हामी सबैकाे संसारन्यूज

थाइराइडको समस्या भएकाहरुले दिनहुँ एक गिलास दूध पिउदा फाइदा हुन्छ । यदि फलफूल सेवन गर्नुहुन्छ भने आप, खरबुजा, तरबुजा, पाइनापल, अनार सेवन गर्दा राम्रो हुने स्वस्थ्य विज्ञ बताउँछन् ।

खानामा दालचिनी, अदुवा, लसुन, सेतो प्याज समावेश गर्नु राम्रो हुन्छ । साथै थाइराइडको समस्या भएकाहरुले नरिवलको तेल प्रयोग गर्नु राम्रो हुने तथा सुपाच्य भोजन गर्नुपर्छ । खानामा खिचडी पनि लाभदायक मानिन्छ ।

त्यस्तै सलादमा गाजर समावेश गरेर खानका साथै अंकुरित चना अथवा दाल प्रयोग गर्न सकिन्छ । साथै उसुनेको आलुले पनि फाइदा गर्छ । यसले मोटोपन बढाउदैन । तरकारीमा सिमीको प्रयोग पनि राम्रो हुन्छ । मुख्य खानामा ब्राउन राइस र दाल प्रयोग गर्न सकिन्छ । यसले सुगरको लेवल पनि नियन्त्रणमा राख्दछ ।

त्यस्तै थाइराइडका समस्या हुनेहरुका लागि अन्य मासु खानुभन्दा माछाको सेवन अत्यन्तै लाभदायक मानिन्छ । साथै अण्डामा भिटामीन बि र प्रोटीनको मात्र बढी हुने भएकोले यसको प्रयोग राम्रो हुन्छ ।

ड्राइफुडमा ओखर सबैभन्दा राम्रो मानिन्छ । ओखरले हाम्रो दिमागको स्वस्थ्य राम्रो हुने र जसका कारण चिन्ता पनि कम हुने स्वस्थ विज्ञ बताउँछन् ।

यस्ता समस्या हुनेहरुले १० देखि १५ मिनेट बिहानको नरम घाम ताप्नु राम्रो हुन्छ ।

थाइराइड भएकोले यसो नगर्नु राम्रो

थाइराइड समस्या भएकाहरुले खानामा त्यस्ता चिजहरु नखानु नै राम्रो हुन्छ । जुन चिजहरु पचाउनका लागि समस्या हुन्छन् ।

१- धेरै चिसो खानेकुराहरु नखानु नै राम्रो ।

२-धेरै खुर्सानी, मसालेदार तथा तारेको खानेकुरा ।

३-दहीको प्रयोग नगर्नुनै राम्रो हुन्छ ।

४- बासी खाना त्यसमा चिनी रहेको छ भने त प्रयोग नगर्दा नै राम्रो ।

५-यस्ता बिरामीले पालक, शखरखण्ड, बन्दागोभी, फूलगोभी, मुला, शलगम, सोया, रातो मासु, कफि, रिफाइन्ड तेल प्रयोग नगरेको राम्रो ।

७- यस्ता बिरामीले धेरै परिश्रम नगर्नु नै राम्रो मानिन्छ ।