हामी सबैकाे संसारन्यूज

१.
तिमी नआए नि कमसेकम याद पठाउनु
सम्झनाका कोशेली हरदम याद पठाउनु
मलाई बाँच्ने त्यही आधार बन्ने छ प्रिय
सबथोक भुलाउने अनुपम याद पठाउनु ।
२.

सुस्तरी आयौ आँखामा चिहायौ
मनभित्र छोएर भरोसा दिलायौ
कसरी जानू म कपटी तिम्रो चाल
अमृतको छिटा दिई जहर पिलायौ ।
३.

दुनियामा मान्छेहरू स्वार्थमा निहित छन्
फगत एकले अर्कालाई चुसेर जीवित छन् सिमित स्रोत र साधनले के पुग्छ र यहाँ
मान्छेका इच्छा आकांक्षाहरू असिमित छन् ।

४.
यो सहर किनकिन मुर्कुट्टाको सहर लाग्छ अचेल
भिड्भाडको भन्दा एकान्तको भर लाग्छ अचेल
प्रत्येक अनुहारमा दुर्योधन र दुशासन देखिन थालेपछि
मान्छे भनेर के गर्ने मान्छेसँग नै डर लाग्छ अचेल ।
५.

लौरो बिर्सन्छन् कोही खोलो तरेपछि
मर्म बुझ्छन् चोट आफैलाई परेपछि
बाँचुन्जेल खुट्टा तानिरहन्छन् सकुन्जेल
गुनगान निकै हुन्छ सोही मान्छे मरेपछि ।
६.
जब आयो सुगन्ध यादको लिएर बतास
पल्टिए पानाहरू बिगतका अनायास
घाउ थियो खाटा बसिसकेको हृदयमा
बल्झाइरहन्छ यसरी बारम्बार एकनास ।