हामी सबैकाे संसारन्यूज

(१)
तिम्रो सिन्दुर पोते भए, मलाई कुनै श्रृङ्गार चाहिदैन
सुन चाँदिका गहना र, त्यो हिराको हार चाहिंदैन
मात्रै तिमी बगिदिनु, मेरो शरिरको नशा नशामा
त्यति भए मैले बाँच्न, कुनै रक्त संचार चाहिदैन

(२)
म त्यो हृदयमा छु, जानेरै मन पराए
हजारौ मा हिरा, छानेरै मन पराए
बिश्वास को दियो, जलायर मनमा
मुटु टुक्र्याउने छैनौ, मानेरै मन पराए

(३)
किन लाग्छ मलाई तिम्रो, साथ सुमधुर्
साझ बिहान दिन अनि, रात सुमधुर्
सारा सन्सार भुलाई दिने, लठ्ठै पारिदिने
लाग्छन मलाई तिम्रा हर, बात सुमधुर

(४)
अमृत जस्तो मिठो बोली, उस्तै राम्रो तिम्रो बानी
मनकी पनि सफा तिमी, मायाँकी झन् रैछौ खानी
तिमी जस्ती मान्छे पाए, मैले संसार जित्न सक्छु
आऊ तिमी यो जीबनमा ,बनाईराख्छु मनकी रानी

(५)
तिम्रो घरको बाटो हिंड्दा, झ्यालको पर्दा खुलेन भने
चिहाई चिहाई मलाई हेर्दै , तिम्रो नजर डुलेन भने
घाम डुबेर दिउँसै रात, परे जस्तै लाग्छ मलाई
तिम्रो दिलमा मेरो नामको, रातो गुलाफ फूलेन भने