हामी सबैकाे संसारन्यूज

२४ कार्तिक । नेपाली कांग्रेस केन्द्रीय कार्यालयले नेपाली जनसम्पर्क समिति अष्ट्रेलियाको अधिवेशन गर्ने जिम्मेवारी कृष्ण गिरी(जगन्नाथ)लाई दिएको छ । मुख्यसचिव कृष्णप्रसाद पौडेलद्वारा जारी गरिएको पत्रमा समितिलाई बढीमा ६ महिनाभित्रमा अधिवेशन सम्पन्न गर्ने जिम्मेवारी दिँदै गिरीको संयोजकत्वमा १५ सदस्यीय अधिवेशन तयारी समिति गठन गर्न निर्देशन दिइएको छ ।

अविधेशन तयारीका लागि अष्ट्रेलियामा रहेका सम्पूर्ण लोकतन्त्रवादी नेपालीहरुलाई समेटेर एकता र मेलमिलापका साथ क्रियाशिल सदस्यता नवीकरण र नयाँ सदस्यता वितरण प्रारम्भ गर्न भनिएको छ । अधिवेशन तयारी बारे केन्द्रसँग सम्पर्क र समन्वय गरी आवश्यक कार्य गर्न/गराउन र अधिवेशन तयारी समितिका सदस्यहरुको यथाशिघ्र मनोनयन गरी जानकारी गराउन पनि आग्रह गरिएको छ ।

पार्टीबाट जिम्मेवारी पाएलगत्तै उनले अधिवेशन तयारीका सम्बन्धमा छलफल गरेका छन् ।