हामी सबैकाे संसारन्यूज

८ मंसिर, झापा । झापाको मेचीनगरमा आयोजित एक कार्यक्रममा उपन्यासकार भगवती ढुंगेललाई सम्मान गरिएको छ ।

महिला चेतना सञ्जाल मेचीनगरले शनिबार धुलावारी माविको सभाहलमा आयोजना गरेको सष्ट्रा सम्मान तथा रचना बाचन कार्यक्रममा महिलासँग सम्बन्धित विषय, महिलाका पीरव्यथा र महिलाले भोग्दै आएका समस्याका बारेमा कलम चलाए वापत उनलाई सम्मान गरिएको हो ।

आधा सत्य र प्रेमिल उपन्यास बजारमा ल्याएकी उपन्यासकार न्यौपाने सहित सो कार्यक्रममा बाद्यवादनहरुको संग्रहनै गरेर लोकबाजा संरक्षणमा जुटेका साहित्यिक व्यक्तित्व मात्रृका संग्रौलालाई पनि सम्मान गरिएको छ ।

संस्थाकी जेष्ठ सदस्य गोमा सुवेदीको सभापतित्व तथा प्राज्ञसभा सदस्य सुभद्रा अर्याल भट्टराईको प्रमुख आतिथ्यमा सम्पन्न भएको कार्यक्रममा नेपाल तथा भारतका सष्ट्राहरुले आ–आफ्नो रचना वाचन गरेका थिए ।

कार्यक्रममा भारतीय साहित्यकारद्वय कृष्ण प्रधान एवं युवराज काफ्लेको विशेष आतिथ्यता रहेको थियो । सम्मानसँगै शुरु गरिएको रचना वाचन कार्यक्रम अत्यन्तै आकर्षक र रोचक रहेको थियो । साहित्यकार तेजराज खतिवडा, समाजसेवी संगिता थापा, विनोद खनाल ,हरि रिमाल, नुरज भट्टराई , माया मितु न्यौपाने, खिलु खनाल, सरस्वती सिटौला, सिसा चौधरी, सुमित्रा शिवाकोटी, दिपा भन्डारी लगायतले शुभकामना मन्तव्य साथै कविता वाचन गरेका थिए ।

संस्थाकी संस्थापक अध्यक्ष मिरा काफ्ले पोख्रेलले संस्थाको विगत देखि हालसम्मको स्थिति र संस्थाकी अध्यक्ष नमुना निरौलाले भावि योजना प्रस्तुत गरेको कार्यक्रममा उल्लेख्य साहित्यिक व्यक्तित्वको उपस्थिति थियो ।