हामी सबैकाे संसारन्यूज

के भयो दाषता भित्रनै फैलियो
राजको छाँटकाँटे झनै मौलियो
देशको पीर छैन अझै भन्दछे
भेषको पीर छैन अझै भन्दछे ।१।

के भयो के भयो आज नारीहरु ?
आपसी मित्रता मासियो के गरुँ
ब्यस्तता देख्दछु लोभको मोहमा
रिक्तता देख्द्छु देशको भक्तिमा ।२।

आज आमाहरु छन् रुँदै गाँउमा
आज पाखाहरु बन्द भै गाँउमा
हेर भाइहरु व्यस्त छन् पेचमा
सोध बाबाहरु क्रुद्ध छन लेकमा ।३।

शासकी जो छ हेर अझै चुप्प छन्
लाखको रोदन धेरनै स्तब्ध छन्
सुन्नका जाँगरीला कतै को छ र
मस्त छन् माथि का सुन्न को के कर ।४।

खान्छ आँफु सँगै छैन बाँंडी दिने
हेर्छ को दर्दमा छैन साथी दिने
चोरले दाउ भेटाउन सक्दछ
देशले पुत्र गुमाउन सक्दछ ।५।

आपसी मेलमा कर्मले आउ हे
देशको पक्षमा हात बढाउ ए
आज नै साथमा द्रोह त्यागी बढौँ
आजको भावना राष्ट्रको नै बनौँ ।६।

स्रग्विणी छन्द