हामी सबैकाे संसारन्यूज

साइनो सम्बन्ध धेरै हुन्छ तौल्नु हुन्न तराजुमा
छैन कोहि पराइ यहाँ भुल्नु हुन्न जिन्दगीमा
ठूलो सानो भन्नु मात्र फुट्नु हुन्न आपसमा
पुग्ने ठाँउ एउटै तर फाँटो किन जिन्दगीमा ।

काटे रगत एउटै हुन्छ जुझ्नु हुन्न एकअर्कामा
हेर्ने दृष्टि सही राख्नु गलत के छ जिन्दगीमा
धनको माया ठूलो हुन्न लानु छैन केहि साथमा
प्रेम भक्ति अमर बनोस् गाँठो हुन्न जिन्दगीमा ।

आकास धर्ती भन्नु मात्र सम्पूर्ण छ एक–अर्कामा
जस्तै टाढ़ा किन नहोस् नछुटोस साथ जिन्दगीमा
जानी गल्ती के छ धेरै नपाल्नु है शंका मनमा
एक झिल्को आगोले विनाश ल्याउँछ जिन्दगीमा ।

जुटे साथ धेरै हुन्छ नकमाउनु घमण्ड साथमा
एक पछि अर्को छुट्छ विश्वास राखौं जिन्दगीमा
दुखे अर्का कोहि हुँदैन हाँसी खुशी बाचौं माझमा
साइनो सम्बन्ध धेरै हुन्छ तौल्नु हुन्न तराजुमा ।