हामी सबैकाे संसारन्यूज

भिमसेनले बनाएको गजुर धरहरा
किन बगायौ मेरो आँशुको धारा
धरहरा चढेँ, हेरे काठ्मान्डौं सारा
देखायौ,चारैतिर सुन्दर हराभरा ।

टुँडिखेलको कतिधेरै सुन्यौं भाषण र नारा
देख्यौं तिमीले को–को बोल्यो पिएर मदिरा
तिमीलाई काउकुती लाउथे पुतली भमरा
मुस्कुराउथ्यौ देखि रानीपोखरी र बाईसधारा ।

कति पूर्णिको रात सँग एकान्तमा भेट्यौ होला
विश्व प्रेमजोडीले तिम्रो छातीमा टेके पाईला
अनाथको पेट पाल्न तिमीले नै दियौं सहारा
तिम्रै यादमा मेरा आँखाका आँशु बलिन्धारा ।

एकदिन तिम्रो शोक मनाए भए म बिचरा
केहि दिन बेसहारा भए ती अनाथका चेहरा
अझैँ तिम्रो तस्बिर मेरो हृदयमा छ धरहरा
त्यसैले तिम्रो कबिता मैले लेखिदिए एकसरा ।