हामी सबैकाे संसारन्यूज

हङकङमा रहेका नेपाली समुदायबीच सामाजिक सद्भाव अभिबृद्धि गर्ने उद्देश्यले नेपाली समुदायको लागि सामुदायिक सेवा समूह (सिएसटिएन)ले मैत्रीपूर्ण फूटबल प्रतियोगिताको आयोजना गरेको छ ।

नेपाली समुदायमा सामाजिक सद्भाव अभिबृद्धी गर्ने उद्देश्य अनुसार मैत्रीपूर्ण, मनोरञ्जनात्मक तथा रोमाञ्चकारी “Inter-Ethnic Football Competition 2019” हङकङका अल्पसंख्यक समुदायहरुको प्रतिनिधित्व समूहको सहभागितामा उक्त प्रतियोगिता गर्न लागिएको हङकङ नेपाली महासंघको प्रमुख सल्लाहकार तथा निवर्तमान अध्यक्षकी अध्यक्ष रिता गुरुङले जानकारी दिइन् ।

सिएसटिएन परियोजनाको ईन्चार्जसमेत रहेकी गुरुङका अनुसार प्रतियोगिता आगामी २२ डिसेम्बर २०१९ आईतबारको दिन किङ्ग जर्ज भि मेमोरियल पार्क, फुटबल ग्राउन्ड (जोर्डन रोडको जर्की क्लब पछाडी) बिहान १० बजे देखि हुन कार्यक्रम छ ।

उक्त कार्यक्रममा उपस्थित भै खेलाडीहरुको मनोबल बढाउन एवम् हौसला प्रदान गरिदिनका लागि सम्पूर्ण नेपाली समुदायमा आग्रह गरिएको छ । हङकङ नेपाली महासंघको आयोजना र हङकङको गृहमामिला विभागको सहयोगको हुन लागेको सो कार्यक्रममा प्रवेश निःशुल्क गराइएको छ । बिस्तृत जानकारीको लागि ३५४७४१५ र ६६४४९५९४ मा सम्पर्क गर्न भनिएको छ ।

खेल समूहहरु :
१) ४०ं उमेर समुह
२) युवा समूह
३) बालबालिका समूह
४) महिला समूह