हामी सबैकाे संसारन्यूज

मेरो जात तपाइसँग नमिल्न सक्छ
तर धर्म मिल्न सक्छ

मेरो जन्मस्थल तपाइसँग नमिल्न सक्छ
तर देश मिल्न सक्छ
मेरो दल र बिचार तपाइसँग नमिल्न सक्छ
तर तपाइ र मलाइ चाहिने
जन र बिकास एउटै हुन सक्छ

पुग्ने ठाउ, गाग्री र बल्व
फरक होला
तर बाटो, पानी र बिजुली
एउटै हुन सक्छ

स्कुल, कलेज
अस्पताल फरक होला
तर शिक्षा र उपचार एउटै हो

छाना फरक होला
तर चाहिने खाना नाना एउटै हो

खेत र वारी रोजगारी फरक होला
तर सुविधा, सुरक्षा र अधिकार एउटै हो

स्वर, शव्द , लय फरक होला
तर पिडा र मनोरन्जन एउटै हो

परिवार सन्तान र समाज फरक होला
तर माया र छाया एउटै हो

फरक कुरामा बिबाद नगर
समान कुरामा जोड देउ
अनुहार, बनावट, धर्म, जात, स्वार्थ, रंग, बिचार,
राज्य प्रणाली कही कहिल्यै एउटै हुदैन
हुनै नसक्ने कुरामा समय नफाल
मानव नेपालमा मात्र पनि अट्दैनन
मानव चीन, भारत र अमेरिकामा मात्र पनि बस्दैनन्
मानव न्युरोड र न्युयोर्कमा मात्र पनि अट्दैनन्

नेपालीलाइ चाहिने नेपाल हो
नेपालीलाइ चाहिने बिकास हो
बिकासको लागी विवाद नगरौ
बिकासको लागी बिभाजित नगरौ
आजसम्म बिकास छाडेर
बिबाद मै लाग्यौ अब नलागौ

सबैलाइ चाहिने सुविधा र सुरक्षा हो
यसको लागी सबै लागौ
नेपालीको लागी नेपाल बन्नु पर्छ
नेपाल बनाउन अब लागौ