हामी सबैकाे संसारन्यूज

सघन सौन्दर्ययुक्त
सप्तरङ्गी
इन्द्रेणी खातझैँ
गाढा ! चहकदार !!
सूर्यास्तको नील गगनजस्तै
रहुन्अ-गलवगलहरू
उदार ! उदात्त !!
भर्खर बुनेको चाँदरजस्तै
वा व्यस्तताविहीन
कौमार्य सुकाएर
अट्टालिकामा
अनन्त उड्न तत्पर
सातौँ दिनकी रजस्वला
कुमारीझैँ
कञ्चन काननजस्तै
बनुन्म-न र मनोलोकका छेउछाउहरू
आषाढ हिलिए पनि
जलहिलोमा
रोपार र लाठे
छिल्लिए पनि
स्निग्धर सफा
सफा अनि स्निग्ध
अन्तर जादू उद्भासित
पट्ट ! पट्ट !! जमीन फुटेर
सौन्दर्य लहलहाएका
सुवर्ण बाला
धान झुलेको
मंसीरको खेतझैँ
सफा र स्निग्ध
स्निग्ध र सफा
आलीभित्रको बालीझैँ
बनुन्–मस्तिष्कका गराहरू
ओहो ! देवलोक
अर्को हुदैन-कहीँ
स्वर्ग यही हो
असंयम् सतह
गोबर लेपिएका-दिमाखहरू
पत्नीचोर अर्काका-नेताहरू
पतिचोर अर्काका-नेतीहरू
भ्रष्टाचार र अनाचार
दुराचार र व्यभिचार
विसङ्गत व्याप्त-आसनका तहतह
माथि र बिचोबिच
तल
दायाँ र बिचोबिच
बायाँ
ऊर्ध्वगामी नसा छिनेका
नपुंसक र नपुंसक्नीहरू
जम्मै भएर पनि
हिजडाजस्तै भएको समाज
खोज्नुपर्दैन कहीँ-यमलोक
नर्क यही हो
कल्पना न गरौँ-अन्यत्र
कञ्चन काननजस्तै
मन र मनोलोकका किनाराहरू
देवलोक अर्को हुनै सक्दैन
स्वर्ग यही हो
अनाचार र दुराचार
विसङ्गति व्याप्त
आसनका तह तह
यमलोक खोज्नुपर्दैन
नर्क यही हो ।