हामी सबैकाे संसारन्यूज

१२ माघ, हुम्ला । हुम्लामा गाउँ गाउँमा फैलिएको रुघाखोकी ज्वरोको प्रकोप नियन्त्रण गर्ने पहल नहुँदा बिरामीको ज्यान जान थालेको छ । पछिल्लो तीन सातामा र्चखेली, सर्केगाड र खार्पुनाथ गाउँपालिकामा सातजनाको ज्यान गएको हो ।

चंखेली गाउँपालिका मासिधारामा ४५ वर्षीय मदन शाही, ५० वर्षीया जुनुकला शाही, ६५ वर्षीय दतिराम सार्की, ६० वर्षीय गोरी सार्की, ६० वर्षकै पाउरी शाहीको मृत्यु भएको छ ।

उनीहरु सबैको २६ पुसयता ज्यान गएको हो । त्यस्तै ,सर्केगाड ३ उनापानीमा ५५ वर्षीय रंगमल फडेरा र खार्पुनाथ ३ रायामा ३५ वर्षीया चन्दा बुढाको मृत्यु भएको छ । स्थानीय स्वास्थ्य संस्थामा प्रयाप्त औषधि र दक्षा स्वास्थ्यकर्मी नहुँदा नियन्त्रणमा ल्याउन समस्या परेको छ । आइतबारको नयाँ पत्रिका दैनिबाट