हामी सबैकाे संसारन्यूज

६ फागुन, काठमाण्डौं । एमसीसी विरुद्धको अभियानमा उत्रेका स्वयमसेवकहरुले काठमाण्डौंको रत्नपार्कमा मंगलबार प्रदर्शन गरेका छन् ।

रत्नपार्कको शान्ति वाटिकामा प्रदर्शन गर्दै मन्तव्य राखेका वक्ताहरुले एमसीसी ठूलो राष्ट्रघात भएकाले कुनै हालतमा पास हुन नदिने बताएका छन् । जनताको खबरदारीलाई कम नआँक्न अनुरोध गर्दै गुठीमा जस्तै सारा उपत्यकावासी आन्दोलित हुन लागेको बताएका थिए ।

कार्यक्रममा खसान राष्ट्रिय संघर्ष समितिका संयोजक प्रेम बहादुर खाती, थरुहट राष्ट्रिय महिला संघर्ष समितिका संयोजक प्रेमा थारु, नेवा राजनीतिक अभियानका श्री कृष्ण श्रेष्ठ, सेभ नेपाल भ्यालीका राजाराम तण्डुकार, संपदा अभियन्ता नीरज वादे, एमसीसी विरुद्ध नागरिक अभियानका संयोजक असोज कुमार मर्हजन लगायतका वक्ताहरुले आन्दोलन उठाउने चेतावनी दिएका थिए ।

कार्यक्रम संचालक रविन्द्र कुमार श्रेष्ठका अनुसार अन्य संघ संस्था र राजनैतिक ऐक्यबद्धता जुटाउँदै टोल-टोलमा अभियान बढाइने छ ।