हामी सबैकाे संसारन्यूज

काठमाडौँ । बैशाख १२ गतेदेखि प्रदर्शनमा आउन लागेको चलचित्र ‘हिजो आजका कुरा’को पहिलो गीत सार्वजनिक भएको छ ।

सन्तोष पन्तको निर्माणमा बनेको चलचित्र ‘हिजो आजका कुरा’को उक्त गीतमा थुप्रै कलाकारहरु फिचर्ड छन् । सन्तोष पन्त, रमा थपलिया, मदनकृष्ण श्रेष्ठ, निर शाह, भूवन चन्द, मिथिला शर्मा, बसुन्धरा भूषाल, गौरी मल्ल, दिनेश डिसी, दिपाश्री निरौला, जितु नेपाल, केदार घिमिरे, शिवहरी पौडेल, शम्भुजित बाँस्कोटा, ऋचा शर्मा, केकी अधिकरी, रिमा विश्वकर्मा, नविक के.भट्टराई र साकार पन्त सहित अन्य कलाकारलाई उक्त गीतको भिडियोमा देख्न सकिन्छ ।

दिपक शर्माको संगीत रहेको ‘माया जदौं’ बोलको गीतमा रामकृष्ण ढकाल र मेलिना राईको स्वर छ । शब्द आनन्द अधिकारीले लेखेका हुन् । साकार पन्तको डेव्यु निर्देशकिय फिल्म हिजो आजका कुरा बैशाख १२ गतेदेखि प्रदर्शनमा आउँदैछ ।

फिल्ममा सन्तोष पन्त, रमा थपलिया, ऋचा शर्मा, केकी अधिकारी, रिमा विश्वकर्मा, दिव्यदेव पन्त लगायत कलाकारहरुको अभिनय रहेको छ ।