हामी सबैकाे संसारन्यूज

२५ फ्रेबुअरी । हङकङमा कोरोना भाईरस  (2019-nCoV)परिचय र रोकथाम सम्बन्धि जानकारी सहित निस्शुल्क सर्जिकल मास्क वितरणू दोश्रो चरणको सामुदायिक कार्यक्रम सम्पन्न भएको छ ।

हङकङ नेपाली महासंघ, सिएसटिएन र नेपाल क्लब हङकङको संयुक्त आयोजनामा गरिएको उक्त कार्यक्रममा हङकङका नेपाली बालबालिका, युवायुवती र जेष्ठनागरिकहरुको बाक्लो उपस्थिति रहेको थियो । सचेतनामूलक कार्यक्रममा कोरोना भाईरसको परिचय, यसको संक्रमण लक्षण एवं पहिचान, नियन्त्रण र रोकथामका उपायहरु बारे सम्बन्धि जानकारी दिनुको साथै यसबाट बच्न र बचाउन अपनाउनु पर्ने उपायहरुमा बिशेषत हातको सरसफाइ र मास्क लगाउने तरीका सम्बन्धमा डा लक्ष्मी रानाले बिस्तृत जानकारी दिएकी थिइन् ।

भाईरसको संक्रमण नियन्त्रण सहयोग पुग्ने अपेक्षा सहित आयोजना गरिएको कार्यक्रमको अन्त्यमा उपस्थित सम्पूर्णलाई धन्यवाद दिदै नेपाल क्लब हङकङकी अध्यक्ष तथा सिएसटिएन प्रोजेक्ट ईन्चार्ज रिता गुरुङ र हङकङ नेपाल महासंघका कार्यवाहक अध्यक्ष लोकराज लिम्बूले कार्यक्रमका बिशेष अतिथिहरु आयोजक संस्थाहरुसंग सम्बन्धित हङकङका नेपाली संघसंस्थाका अध्यक्ष तथा प्रतिनिधिहरुलाई कोरोना भाईरस सम्बन्धि हङकङ सरकारबाट प्रकाशित पुस्तक र सर्जिकल मास्क वितरण गराएका थिए । त्यसैगरी बिशेष अतिथिहरुबाट उपस्थित जनसमुदायलाई मास्क, टिस्यू पेपर सहित जानकारीयुक्त पोष्टर बुकलेट वितरण गरिएको थियो ।

यसअघि पहिलो चरणको कार्यक्रम अन्तर्गत हङकङ नेपाली महासंघमा आवद्ध सदस्य संस्थाहरु लगायत अन्य संघसंस्थाहरुलाई निस्शुल्क मास्क वितरण गरेको थियोे ।