हामी सबैकाे संसारन्यूज

दक्षिण कोरियामा कोविड १९ अर्थात् कोरोना भाइरसको संक्रमण बढ्न थालेपछि त्यहाँको सरकारले भाइरसको महामारी विरुद्ध रोकथामका  प्रयत्नहरु गरिरहेको छ ।

देगु, ज्ञन्ग्सान र बुक्दोमा कोरोना भाईरस फैलनबाट रोक्न सरकारले ती क्षेत्रमा अधिकतम नाकाबन्दी नीति लागू गरेको छ कोरियाबाट डाक्टर भानु श्रेष्ठ बताउँछन् । उनका अनुसार यो नीति भौतिक नाकाबन्दी नभई सघन परिक्षण र यसको लागि सबैखाले प्रभावकारी लगानी गर्ने भन्न खोजेको हो ।

‘हामीले बुझेको कर्फयु या नाकाबन्दी होइन । अर्को शब्दमा कोरोना भाइरसको महामारी विरुद्ध रोकथामलाई कुनै पनि कसर बाकी नराख्ने भन्न खोजेको’ अर्थमा उनले कोरिया सरकारले गरेको सकरात्मक प्रयासको सरहाना गरेका छन्।

कोरोनाका कारण कोरियामा ११ जनाको मृत्यु भैसकेको छ भने ८ सय बढी मानिसमा यसको संक्रमण देखिएको छ ।

सामाजिक सञ्जालमा उनले लेखेका छन् :

“COVID-19को लागी नाकाबन्दी नीति (봉쇄정책) के हो?
“कोरोना भाईरस फैलनबाट रोक्न सरकारले देगु र ज्ञन्ग्सान बुक्दोमा अधिकतम नाकाबन्दी नीति लागू गरेको छ जुन नीति भौतिक नाकाबन्दी नभई सघन परिक्षण र यसकोलागि सबैखाले प्रभावकारी लगानी गर्ने भन्न खोजेको हो । हामिले बुझेको कर्फयु या नाकाबन्दी होइन । अर्को शब्दमा कोरोना भाइरसको संक्रमण रोक्नलाई कुनै पनि कसर बाकी नराख्ने भन्न खोजेको हो ।” फोटो(사진: 한국일보).”