हामी सबैकाे संसारन्यूज

१७ फागुन, काठमाण्डौ । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले अमेरिकाले एमससीका केही बुँदाहरु परिमार्जन नगरे संसदबाट अनुमोदन नहुने बताएका छन् ।

प्रेस संगठन नेपालद्धारा शनिबार सिन्धुपाल्चोकको सुकुटेमा आयोजना गरिएको पत्रकार सम्मेलनमा अध्यक्ष दाहालले एमसीसीका केही बुँदा परिमार्जनका लागि अमेरिकालाई आग्रह गरिने र परिमार्जन गर्न नमाने अनुमोदन नहुने तथा राष्ट्रहित विपरीत कुनैपनि सम्झौता नहुने दावी समेत गरे ।

अध्यक्ष दाहालले ५५ अर्बका लागि राष्ट्रहित विपरीत कुनैपनि सम्झौता नगर्ने बताउँदै एमसीसीका लागि बनाएको कार्यदलले दिएको सुझाव परिमार्जन भए मात्रै अनुमोदन हुने समेत बताए । उनले अमेरिकासँग नेपालको सुमधुर सम्बन्ध रहेको बताउँदै परिमार्जन गरिएमात्रै संसदबाट एमसीसी पारित गरिने समेत बताए ।

केहिदिनयता पार्टीभित्र देखिएको विवाद सामान्य रहेको बताएका अध्यक्ष दाहालले सचिवालयको निर्णय अनुसार राष्ट्रियसभामा उपाध्यक्ष वामदेव गौतमनै मोनोनित हुने बताउँदै तत्कालका लागि संविधान संशोधन नहुने समेत बताए थिए ।