Sansar News
१९ फागुन, काठमाण्डौं । उपपराष्ट्रपति नन्द बहादुर पुनले प्रधानमन्त्री केपी शर्मा ओलीलाई सोमबार भेटेर स्वास्थ्यलाभको कामना गरेका छन् ।
बुधबार मिर्गौला प्रत्यारोपण गर्नका लागि आज अस्पतालमा भर्ना हुन लागेका प्रधानमन्त्रीलाई उपराष्ट्रपति पुनले भेटेर मिर्गौला प्रत्यारोपण सफल होस् स्वास्थ्य लाभको कामना गरेको प्रधानमन्त्रीको प्रेस सल्लाहकार सुर्य थापाले बताएका छन् ।
मिर्गौला प्रत्यारोपणका लागि आजै त्रिवि शिक्षण अस्पताल महाराजगन्जमा भर्ना हुन लागेका प्रधानमन्त्रीको बुधबार शिक्षण अस्पतालका युरोलोजी तथा मिर्गौला विभागका प्रा.डा प्रेमराज ज्ञवालीको नेतृत्वमा शल्यक्रिया गरिने बताइएको छ ।
वि.सं.२०७६ फागुन १९ सोमवार १४:०८ मा प्रकाशित
