हामी सबैकाे संसारन्यूज

२१ फागुन, काठमाडौं । राष्ट्रियसभाका निर्वाचित १८ सांसदले पद तथा गोपनीयताको शपथग्रहण लिएका छन् । राष्ट्रियसभाका अध्यक्ष गणेशप्रसाद तिमिल्सिनाले बिहान आयोजित एक कार्यक्रमबीच सांसद्हरूलाई शपथ गराएका हुन् ।

राष्ट्रिय सभामा रहेका एक तिहाइको कार्यकाल दुई बर्षमा सकिने संवैधानिक प्रावधान अनुसार रिक्त हुने स्थानका लागि गत माघ २४ गते निर्वाचन भएको थियो । निर्वाचनमा १६ जना नेकपाका र २ जना राजपाका उम्मेद्वार निर्वाचित भएका थिए ।

आज शपथ लिने सदस्यहरुमा इन्दिरादेवी गौतम, गोपीबहादुर सार्की अछामी, देवेन्द्र दाहाल, तुलसाकुमारी दाहाल,राधेश्याम पासवान, शेखरकुमार सिंह, मृगेन्द्रकुमारसिंह यादव, गङ्गाकुमारी बेल्बासे, वेदुराम भुसाल,भगवती न्यौपाने, नारायणकाजी श्रेष्ठ, विमला घिमिरे, जगप्रसाद शर्मा, गोपाल भट्टराई, सुमित्रा बिसी, मायाप्रसाद शर्मा, शारदादेवी भट्ट र तारामान स्वाँर रहेका छन् ।