हामी सबैकाे संसारन्यूज

विराटनगर महानगरपालीकाको अन्तराष्ट्रीय मामिला सल्लाहकारमा जीपी कोईराला फाउन्डेसन अमेरीकाका अध्यक्ष सोमनाथ घिमीरे नियुक्त भएका छन् । विराटनगर महानगरपालीका मेयर भीम पराजुलीले घिमिरेलाई नियुक्त गरेका हुन् ।

उक्त पत्रमा घिमीरेलाई विराटनगर महानगरपालिका र अमेरिकाको कुनैपनि नगर या शहरसँग जोडड्ने प्रवधान अथवा पुलको काम गर्नको लागि जिम्मेवारी दिईएको छ। अमेरिकाको कुनै पनि शहरसँग विराटनगर महानगरपालिका सहकार्य गर्दै विराटनगरलाई एउटा आधुनिक र स्मार्ट सिटी बनाउनलाई घिमीरेको सुझाव र पहल हुनेछ भन्नेमा विश्वस्त रहेको मेयर पराजुलीले बताए।

आजको आधुनिक युगमा विराटनगरलाई अझैं राम्रो र विराटनगरवासिहरुलाई सरल, सुर्लव र सजिलो कार्यका लागि “BUILDING BIRATNAGAR BETTER” भन्ने नाराका साथ नारा मात्रमै समिति नरहेर अब कार्ययोजना का साथ काम गर्न अघि बढेको छ भन्दै मेयर पराजुलीले घिमीरेलाई बधाई तथा कार्यकालको शुभकामना समेत व्यक्त गरेका छन् ।