हामी सबैकाे संसारन्यूज

२४ फागुन, काठमाडौं । सत्तारुढ दल नेपाल कम्युनिस्ट पार्टी (नेकपा) ले पार्टी सदस्यता शुल्क आधा घटाएको छ । केन्द्रिय समिति बैठकको ठिक १ महिना पछि बसेको सचिवालयको बैठकले पार्टी सदस्यता शुल्क आधै घटाएको हो ।

फागुन १८ मा सम्पन्न केन्द्रीय सचिवालयको बैठकले पार्टी सदस्यता शुल्क घटाएर नयाँ कायम गर्दै सर्कुलर समेत जारी गरेको छ । बिधानत साधारण सदस्य रु २५ र संगठित सदस्य रु ५० रहेकोमा अधिकांश जिल्लाबाट घटाउने सुझाव आएकोले परिमार्जन गरिएको बताइएको छ । तत्कालीन नेकपा एमाले र नेकपा (माओवादी केन्द्र) को पाटी सदस्यता नविकरण आ–आफ्नै हिसाबले गर्दै आएपनि एकता घोषणा मिति २०७५ जेठ महिनादेखि लागू हुनेगरी संगठित सदस्यता शुल्क मासिक रु २५ र साधारण सदस्यता शुल्क मासिक रु १० कायम गर्ने निर्णय गरीएको छ ।

एक महिना अगाडि सम्पन्न केन्द्रीय समिति बैठकमा विधान संशोधन गर्दै नियमावली परिवर्तन गर्ने निर्णय गरेअनुसार नेकपाले नयाँ सदस्यता शुल्क कायम गरेको बताइएको छ । नेकपा केन्द्रिय कार्यालय सचिव श्रीराम ढकाल प्रशान्तका अनुसार पार्टी एकीकरणपछिको सदस्यता नविकरणका सिलसिलामा २०७५ जेठ देखी नै लागू हुने गरी नयाँ ब्यबस्था गरिएको हो ।

नेकपाले संगठित सदस्य मात्रै ८ लाख रहेको भन्दै आएपनि यति नै संख्या छ भनेर भन्न सक्ने स्थिति अहिलेसम्म छैन । रु १० तिर्नेलाई साधारण सदस्य र २५ तिर्नेलाइ संगठित सदस्यका रुपमा नविकरण गर्ने काम धमाधम अघि बढेको बताइएको छ ।