हामी सबैकाे संसारन्यूज

६ चैत, काठमाण्डौं । भारतीय प्रधानमन्त्री नरेन्द्र मोदीले विश्वभरी फैलिरहेको कोरोनाका बारेमा सम्बोधन गर्दै आफ्ना जनतालाई नआत्तिन र संयमता अपनाउन अनुरोध गरेका छन् ।

विहिबार देशका नाममा सम्बोधन गर्दै प्रधानमन्त्री मोदीले पूरै विश्व संकटको गम्भीर अवस्थामा पारिरहेका र यतिबेला कोरोनाले पूरै विश्वलाई संकटमा पारिदिएको बताएका छन् ।

प्रधानमन्त्री मोदीले सम्बोधनका क्रममा २२ मार्चदेखि बिहान ७ बजेदेखि राती ९ बजेसम्म लाग्ने कफ्र्युका पालना गर्न समेत सबै देशवासीलाई अनुरोध गरेका छन् ।

प्रधानमन्त्री मोदीेले दोश्रो विश्युद्धमा पनि यतिधेरै देश प्रभावित नभएको बताउँदै पछिल्लो दुई महिनादेखि सबैले कोरोना भाइरसबारे चिन्ताजनक समाचार दिइरहेको र सुनिरहेको समेत सम्बोधनका क्रममा बताएका छन् ।

भारतले कोरोना जस्तो विश्व महामारीको डटेर सामना गरिरहेको बताएका प्रधानमन्त्री मोदीले भने ‘केही दिन त यस्तो लागि रहेको छ कि हामी संकटबाट बाँचिरहेका छौं ।’ तर पनि कोरोनाबाट निश्चिन्त भएर बस्ने र सोच्नु ठिक नभएको बताउँदै उनले प्रत्येक भारतवासीलाई सर्तक हुन आग्रह समेत गरेका छन् ।

उनले भनेका छन् ‘मलाई तपाईहरु केही हप्ता चाहिएको छ । तपाईको केही समय चाहिएको छ ।’
त्यसैगरी प्रधानमन्त्री मोदीले ६० देखि ६५ वर्षका वृद्धवृद्धालाई केही साता बाहिर ननिस्कन अनुरोध गरेका छन् । साथै उनले कम्पनीमा मालिकहरुलाई अनुरोध गर्दै कामदारको तलब कटौती नगर्न अनुरोध समेत गरेका छन् । ‘उनीहरुको पनि परिवार छन् । परिवारका लागि खाना र औषधि किन्न जरुरी हुन्छ ।’

त्यसैगरी प्रधानमन्त्री मोदीले धेरै खाद्यावस्तु संचित गरेर नराख्न सुझाव समेत दिएका छन् । उनले सबैभन्दा पहिले मानवियता देखाएर सबैलाई सहयोग गर्न अनुरोध समेत गरेका छन् । त्यसैगरी उनले नचाहिने हल्लाबाट बच्न पनि अनुरोध गरेका छन् ।

प्रधानमन्त्री मोदीले सम्बोधनका क्रममा दुई प्रमुख कुरा संकल्प र संयमता अपनाउन आग्रह गरेका छन् । प्रधानमन्त्री मोदीले स्वयम् संक्रिमित हुनेबाट बच्नेछौं र अरुलाई पनि यस विमारबाट बचाउने छौं भन्ने संकल्प लिन जरुरी रहेको बताएका छन् । साथै भिडभाडबाट बच्न र घरबाट बाहिर ननिस्कन लगायतका संयमता अपनाउन समेत आग्रह गरेका छन् ।

त्यसैगरी अर्थमन्त्रीको नेतृत्वमा गठित इकोनोमिकल टाक्सर्फोसले आवस्यक फैसला लिने पनि जानकारी दिएका छन् ।