हामी सबैकाे संसारन्यूज

निरन्तर हिड्दा हिड्दै
जब म लखतरान भएर
बीच बाटोमै ढल्नेछु ।
ए ! सन्तति हो !!
बाँकी कष्टकर यात्रापथ
तिमीले पूरा गर्नुछ ।
मैले आविष्कार गरेको
इश्वरको आकृतिमा
जहिले धूलोको परतले ढाक्नेछ
खियालागेर आकृति मेटिनेछ
बुद्धि तर्क र ज्ञानको प्रकाशबाट
तिमीले नै
नयाँ इश्वर आविष्कार गर्नुछ ।
ं
जाग ! निरन्तर जाग !!
ताराहरुको बस्ती छिचोल्न
ब्रमाण्डको परिधि नाप्न
जब मेरो चेतना अल्मलिन्छ
बुद्धि भ्रमित हुन्छ
तिमीले पूरागर्नुछ
बाँकी आधी अधुरा कामपनि ।
ं
इतिहासको नलीहाडबाट
अन्धकार रातको सन्नाटा चिर्दै
भव्य युगको चारसुरमा
निर्भयसाथ तिमिले नै
‘फेरीको शंख’ बजाउनु पर्नेछ ।
जागृत यात्रामा मात्र
स्पन्दित हुन्छ
सभ्यताको लयबद्ध धड्कन ।