हामी सबैकाे संसारन्यूज

जति गाली गर जे जे लाग्छ भन
आपतमा होस् या बिपदमा
तिम्रो सुरक्षा गर्ने प्रहरी र सेना नै हो

कमायो भन या मार्यो भन
तिमीलाइ अन्तिम सम्म
सेवा दिने व्यापारी र स्वास्थ्यकर्मि नै हो

यस्तो हो भन उस्तो हो भन
तिम्रो अधिकार र श्रमको
सेवा दिने र मूल्य दिने
कर्मचारी र उद्योगी नै हो

हरायो भन या गिरायो भन
तिम्रो पक्षमा बोल्ने र लड्ने
वकिल र न्यायाधिश नै हो

सुखको भन या दुःखको भन
तिम्रो भावना बुझ्ने र देखाउने
लेख्ने, गाउने, बजाउँने, लय हाल्नेहरू नै हो

अश्लील भन या मार्मिक भन
तिम्रो दुःख भुलाउन खोज्ने
छायाकार र कलाकार नै हो

भ्रम भन या चाल भन
राज्य र समाजका घटना र अनियमितता
छर्लग पार्ने समाचार र पत्रकार नै हो

जति टाढा बन जति लड्ने लड
तिम्रो घरमा पर्दा र जल्दा
आउने र चाहिने छिमेकी नै हो

जति भन्छौ भन भन्नु नभन्नु भन
भनेको सुन्ने र परेको गर्ने
जनप्रतिनिधी र सरकार नै हो

सम्पति भन या पद्दति भन
तिम्रो हर शान्ति र खुशीको जग
तिम्रो घर, परिवार, समाज र राष्ट्र नै हो