हामी सबैकाे संसारन्यूज

११ बैशाख, काठमाण्डौं । नेपालमा कोरोना भाइरस संक्रमितको संख्या ४७ पुगेको छ । आज (विहिबार) पनि दुईजना संक्रमित भएको पुष्टि भएसँगै कूल संक्रमतिको संख्या ४७ पुगेको हो ।

विभिन्न अस्पतालमा उपचार गराइरहेका उनीहरुको स्वास्थ्य अवस्था सामान्य रहेको छ ।

त्यसैगरी राष्ट्रिय जनस्वास्थ्य अस्पताल टेकुमा परीक्षण गरिएका उदपुरबाट ल्याइएका दुई नमुनामा कोरोना संक्रमण पोजेटिभ देखिएको हो । जसमा उदयपुरकी ५५ वर्षीया महिला र जनकपुरका १४ वर्षीय पुरुष रहेको स्वास्थ्थ तथा जनसंख्या मन्त्रालयले जानकारी दिएको छ ।

आज पनि २ जना निको भएर घर फर्किए
त्यस्तै आज पनि पाटन अस्पताल काठमाण्डौंमा उपचार गराइरहेका दुईजना निको भएर घर फर्किएका छन् । पेप्सीकोलामा रहेको सनसिटी अर्पाटमेन्टमा संक्रमण पुष्टि भएका ५८ वर्षीय पुरुष र ८१ वर्षीय महिला निको भएर घर फर्किएका हुन् । उनीहरु दुईजनासँगै नेपालमा हालसम्म कोरोना संक्रमणबाट निको भएर घर फर्कनेको संख्या ९ पुगेको छ । साथै बाग्लुङमा उपचार गराइरहेकी युवतीको पनि पिसीआर रिर्पोट नेगेटिभ आएको बताइएको छ ।

४३ हजार ७२२ जनामा परीक्षण
नेपालमा बुधबारसम्म ४३ हजार ७२२ जनामा कोरोना परीक्षण गरिएको छ । जसमा पिसीआर माध्यमबाट ९ हजार १९९ र र्यापिड डाइग्नोस्टिक ३४ हजार ५२३ जनामा परीक्षण गरिएको हो ।
त्यसैगरी सातै प्रदेशमा हालसम्म गरिएको र्यापिड टेष्टमा प्रदेश १ मा ३ हजार ५९२, प्रदेश २ मा , ४ हजार ५२९, बाग्मती प्रदेशमा ६ हजार १५५, गण्डकी प्रदेशमा ४ हजार ५५५, प्रदेश ५ मा २ हजार ७५६, कर्णाली प्रदेशमा ४ हजार ७३५ र शुदूरपश्चिम प्रदेशमा ८ हजार २०१ जनामा आरडिटी प्रविधिबाट परीक्षण गरिएको हो ।

क्वारेन्टाइन र आइसोलेसन
हालसम्म देशभर रहेका विभिन्न क्वारेन्टाइनमा १० हजार ५७३ जना रहेका छन् । साथै आइसोलेसनमा हालसम्म ८८ जना रहेका छन् । जसमा उपत्यकामा ४ र उपत्यकाबाहिर ८४ जना रहेका छन् ।

त्यसैगरी सीमा नाकामा बस्तुहरु आयात गरिने ठाउँमा अपनाउनु पर्ने सुरक्षा विधि २०७७ सम्बन्धी निर्देशिका कार्यान्वयका लागि जारी भएको र यसले मालबाहक सवारी साधान, चालक, सामग्री ल्याउने व्यक्तिहरुमा कोभिड १९ को लक्षण भए भएको जाँच गर्नका लागि नाकामा सवारी साधन सरसफाई र निःसंक्रमण गर्ने र जाँचपासमा संलग्न कर्मचारीको सुरक्षा कसरी गर्ने भन्ने बारेमा गाइडलाइनहरु रहेको र त्यसलाई कार्यविधि बनाएर लागु गरिने पनि स्वास्थ्य मन्त्रालयले जानकारी दिएको छ ।

थप तीनजनामा कोरोना संक्रमण भएको पुष्टि, संक्रमितको संख्या ४५ पुग्यो, नर्सद्धयको रिर्पोट नेगेटिभ