Sansar News
२३ बैशाख, बेलायत । बेलायतमा रहेका पर्वतका नारायण कोन्मे गुरुङको मृत्यु भएको छ ।
रुघाखोकीको लक्षण देखिएका गुरुङको सोमबार (४ मे) मा बेलायतको जर्ज इलियट अस्पतालमा उपचारका क्रममा मृत्यु भएको हो ।
बेलायतका नेपालीबीच समाजसेवीका रुपमा परिचित रहेका गुरुङ पर्वत चारभन्ज्याङ ठानामौला गाविस वडा नं ३ मा जन्मिएका थिए । पर्वत वेलफेयर सोसाइटी युकेका सल्लाहकार, तमुधिं युकेका आजीवन सल्लाहकार, ननिटन नेपलीज ब्याडमिन्टन क्लवका सल्लाहकार तथा चारभन्ज्याङ तमु समाज युकेका संस्थापक सदस्य रहेका उनी तमु समाज बेल्जियमको सल्लाहकार समेत रहिसकेका थिए ।
परिवारसँगै बेलायतको अल्डरशटमा बस्दै आएका उनका श्रीमती र तीन छोराछोरी रहेका छन् ।
उनको मृत्युले मर्माहत भएको भन्दै पर्वत वेलफेयर सोसाइटी युकेका अध्यक्ष नेत्र आलेले दुःख व्यक्त गरेका छन् ।
स्मरण रहोस्, यसअघि पर्वतकै चेत प्रसाद गुरुङ र मेख बहादुर गुरुङको पनि कोरोना संक्रमणका कारण मृत्यु भएको छ ।
वि.सं.२०७७ वैशाख २३ मंगलवार ०९:१३ मा प्रकाशित
