हामी सबैकाे संसारन्यूज

धेरै बर्ष अगाडि देखि कालापानी लिपुलेकमा हाम्रो भुगोलको अस्मिता लुटिदै आएको छ । नेपाली भुगोल लुटिएको चर्चा, दुईचार दिन चल्छ, दुईचारदिन पछि बिलाउन थाल्छ । फेरि लुटिएको चीत्कार सुनिन्छ । चर्चा दोहरिन्छ उहीँ, प्रकिया बर्सौंदेखि दोहरिदै र चल्दै आएको छ । सिमा मिचिएर अधिकरण हुदै गहिरहेको समस्या झन् झन् थपिदो छ ।

आज फेरि लिपुलेकको असैह्य पिडापुर्ण चित्कारले हाम्रो मन मस्तिक, मुटु हल्लिएको छ । फेरि हामिलाई झकझक्याएको छ र बिउँझाएको छ । महाकाली लिपुलेक सिमा समस्याको बेदना अब छेपाराको कथा जस्तो बासी रूपमा बल्जिरहन दिनुहुदैन भन्ने आम राष्ट्रीय भाबना जगाएको छ ।

कालापनी लिपुलेकको समस्या हाम्रो ईतिहाँसको कमजोरी हो । हिजोका शासकहरूका असावधानिक कमजोरीका कारण पटक पटक बल्जिरहेको घाउ हो । सिमा रक्षाको प्रश्न फलामको चिउरा चपाउनु जस्तो सास्ती भएको छ । तर, चपाउनुको अलबा अर्को बाटो छैन । हाम्रो भूमि पटक, पटक लुछ्न र चिथोरिरहन भारतिय शासकहरूलाई हाम्रो कुन कमजोरीका कारणले सुबिधा प्रधान गरेर आयो नबुझेका हामी कोही नेपाली छैनौं। अब हामीले भारतलाई त्यो, अवसरवाट बिदा गर्नै पर्छ । उसको एकईन्चपनी जमिन हामीलाई चाहिदैन । हाम्रो एकईन्चपनी जमिन हामी गुम्न दैदैनौं भन्ने दृढता, अठोट परिणाम चाहिएको छ ।

नेपाली जनता अहिले भारतिय बिस्तारवादी सासकहरूको हेपाह, मिचाहपुर्ण रबैया र नेपाल सरकारले मिचिएको भुभाग रक्षा गर्न चाल्नपर्ने कदम आक्रमक हुनुपर्ने ठाँउमा किन नरम भईरहेको छ भन्नेप्रति आक्रोसित छ । तत्काल कालापानी लिपुलेक क्षेत्र र सबै मिचिएका नेपाली भुभागहरू सम्मानजनक फिर्ता गराएर राष्ट्रीय अस्मीता रक्षाको रिजल्ट ब्यवहारवाटै दिन सरकारको भुमिका डिफेन्सिप नभएर अफेमसीप हुनु पर्छ । आाक्रमक हुनुपर्छ । यहि मानेमा बर्तमान सरकारप्रति नेपाली जनतामा देखिएको आक्रोस मथर हुँदै गएर भरोसा बढ्ने छ । सरकारले भारतिय पक्षसंग कानुनि उपचार र राष्ट्रिय अस्मिता रक्षामा आम जनपरिचान राष्ट्रिय एकता बनाएर आक्रमक योजनाका साथ अगाडि बढ्नु पर्छ ।

भारतिय पक्ष, पटक पटक ढाँट्दै, छल्दै, हेप्दै र पेल्दै आफ्नो मिसनमा अगाडि बढीरहेको अवस्था छ । भारतलाई नेपालको मनो बिज्ञान बुझेको छु भन्ने परेको छ, दुईचारदिन नेपालीहरू उफ्रिन्छन्, उफ्रन्छन र आफै थाक्छन् लत्रन्छन् हाम्रो मिसनलाइ केहि लछारपाटो लगाउन सक्दैनन् भन्ने रबैया देखिन्छ । उनिहरू, निसंकोच अपना मिसनमे आगे बडो भाई भन्ने हठका साथ अगाडि बढीरहेका छन् । भारतिय साशक बर्गले ब्रिटिस ईन्डियामा आउन पुर्व अपनाएको नीति अहिले महाकाली लिपुलेक, पिथरागौडामा आसपासका क्षेत्रमा अपनाई रहेका छन् । त्यहाका जनतालाई आफ्नो प्रभावमा पार्न छात्रवृत्ति कार्यक्रम, दैनिक उपभोगिय बस्तु लगायत सस्तो र सजिलो सेवा, सुबीधाहरू दिएर नेपाली गरिव जनतालाई प्रलोभनमा पार्न कोसिस गरिरहेका छन् ।

१, नेपाल सरकारले लिपुलेक पिथौरा गौडादेखी मानसरोबर जोड्ने ७८ किलो मिटर नेपालको भुभाग भित्र पस्ने निस्कने दुबै गौंडामा सशस्त्र प्रहरी चौकी र नेपाली सेनाको बेसक्याम्प खडागरि सिमानामा स्थायी गस्ति गर्नु पर्छ । सडक निर्माण कार्यलाई तुरून्त रोकिनु पर्छ ।

२, भारत सरकारले नेपाल सरकारलाई जवाफ फर्काएको छ ‘हामीले हाम्रै भुभागमा सडक बिस्तार गरेका हौुं नेपालको भुमी मिचेका छैनौं। केही समस्याभए कोरना भाईरस नियन्त्रण पछी छलफल गरौंला’ यो भाषा आपत्तीजनक छ । भारत सजिलै निकाशमा आउन राजी छैन भन्ने देखिन्छ । सरकारले सिमानामा जासुसी संयन्त्र केन्द्रित गर्न नसक्नु दुखद् छ । नेपाल भारत सिमाना नङ्सा तुरून्तै सार्बजनिक गरिनु पर्छ । चीन सरकारसंग सम्पर्कगरि तुरून्तै त्रिपक्षिय बार्ता र छलफल अगाडि बढाउनु पर्छ । भारतिय सेनालाई नेपालको भुभागवाट तुरून्तै हटाउनु पर्छ । यी बिषयमा सरकारको भुमिका डिफेन्सीभ होईन अफेन्सिभ हुनुपर्छ ।

३, त्यो, भेगका जनतालाई विशेष सुबिधा, सिक्षा र स्वास्थ्य निशुल्क, खानेपानी, विद्युत, सडक र रोजगारको योजना प्याकेजमा बनाएर लागू गर्नु पर्छ ।  तत्काल राहात रासन पानीको ब्यवस्था गर्नुपर्छ । भौतिक पुर्वाधार निर्माणको काम तृब्र गतिमा अगाडि बढाउन पर्छ ।त्यहाँका नेपाली जनताले आफु नेपाली भएको गर्भानुभूति गर्न पाउन पर्छ । पिडामा आफ्नो राज्य,नेपाल राज्य आफू संगै भएको अनुभूति गर्न पाउनु पर्छ।
यो प्रकिया दक्षिणका पश्चिमदेखी पुर्व सम्मका सबै अधिक्रमित सिमाना लागुहुन जरूरी छ ।

४, भारतले नेपालप्रति हेपाहापुर्ण व्यवहार गरिरहेको छ । उसको त्यो सोरैआना गलत हो भन्ने साबित गर्ने बेला आएको छ । नेपाली आँट,अडान, दृढता कति छ भन्ने देखाउने बेला आएको छ । लंपसार पर्ने सोच कतै बाँकी छ भने जनताले सहदैन ।

राष्ट्रियअस्मिताको पहरेदारका नेपाली जनताले नेपाल सरकारले चालेको चाल्ने गतिबिधिलाइ नियाली रहेका छन् । जनता जान्न चाहन्छन् । हाम्रो सरकारले साँच्चै राष्ट्रीय अस्मिता रक्षा गर्न आफ्नो सम्पुर्ण तागत र क्षमता देखाउँने बेला आएको छ । सिमानाको रक्षागर्न नसक्ने सरकार राष्ट्रवादी हुन सक्दैन । सिमा रक्षाको कुरामा भन्दा परिणाम निकाल्न सरकारले राष्ट्रिय अन्तराष्ट्रिय वार्ता, संवाद, अदालत कहाँसम्म पुग्न पर्ने हो सकृयता बढाउनु पर्छ । एक ईन्च पनि दाँयाबायाँ नभएको सग्लो सार्मभौम स्वतन्त्र नेपाल जिन्दाबाद ! भारतिय बिस्तारवादी हेपाह मिचाह प्रबृति मुर्दावाद !

(लेखकः नेपाल कम्युनिष्ट पार्टी(नेकपा)का नेता हुन् ।)