हामी सबैकाे संसारन्यूज

१२ मे । लण्डनको प्लमस्टिडबाट आइतबार दिउँसोबाट हराइरहेकी धनमाया थापा मृत अवस्थामा भेटिएकी छन् ।

आइतबार दिउँसो पार्कमा केही बेर घुम्न भन्दै घरबाट निस्किएकी ६६ वर्षीया धनमायाको शव सोमबार राती स्थानीय प्लमस्टिड कमन पार्कको झाडीमा भेटिएको बताइएको छ ।

प्रहरीले खोजी गर्ने क्रममा धनमायाको शव फेला पारेर सोमबार राती १० बजे घरमै आएर परिवारलाई खबर गरेको थियो ।

उनको मृत्यु कसरी भयो भन्ने बारे प्रहरीले अनुसधान गरिरहेको बताइएको छ ।

पाल्पा स्थायी घर भएकी धनमाया श्रीमान र छोरा–बुहारीसंगै ९ वर्षदेखि प्लमस्टिडमा बस्दै आएकी थिइन् । उनी २ महिना अघि मात्र बिदामा नेपाल आएर बेलायत फर्किएकी थिइन् ।