हामी सबैकाे संसारन्यूज

प्रवासी नेपाली संघ भारतद्वारा संचालित जालन्धर नगर समितिले जालन्धर पन्जाबमा अलपत्र परेका प्रवासी नेपालीहरुका ३२ घर परिवारलाई राहत वितरण गरेको छ।

जालन्धर नगर समितिले तिहारमा देउसी भैलो खेलेको र समितिका सदस्यहरुबाट जम्मा गरिएको पैसाले जालन्धरमा कोरोना महामारी भाइरस (कोभिड १९) ले रोजगारी र गाँसबाँस गुमाएका ३२ घरपरिवारलाई नगर समितिका नेता कार्यकर्ताहरु प्रत्यक्षरुपमा राहत जुटाउने अनि वितरण गर्ने कार्यमा सरिक भएको पन्जाब, चन्डीगढ हिमाचल संयुक्त राज्य समिति सदस्य बसन्तराज घर्तीले जानकारी दिए ।

शान्ता शर्मा लगायतसँग सल्लाह गरि नृप सिंह कार्की, यम बहादुर थापा, गनबहादुर राना, घनश्याम बस्याल, गोपाल कुँवर, राम सिंह गोतामे, मोहन विश्वकर्मा, हुम बहादुर सोमैले राहत वितरण गरेका थिए ।