हामी सबैकाे संसारन्यूज

चन्डीगढ नेपाली एकता समाज भारत द्वारा संचालित चन्डीगढ नगर समितिले कोरोना भाइरस रोकथामका लागि लगाइएको लकडाउनका कारण रोजगारी र कामकाज गुमाएका अलपत्र प्रवासी नेपाली दाजुभाई तथा दिदीबहिनीहरुलाई सहयोग गरेको छ ।

भोकभोकै बस्न बाध्य भएका नेपाली समुदायलाई चण्डीगढ कानसल गाउँमा बस्ने नेपाली एकता समाज भारतका अग्रज व्यक्तित्वहरु केशव थापा, शिवराज बुढा, विष्णु पोख्रेल, भद्र सिंह र पहल बाठाको विशेष पहलमा सहयोग जुटाइ राहत सामग्री वितरण गरिएको हो ।

चन्डीगढ, कानसल र आसपासका एरियामा अलपत्र परेका ६० जना जति प्रवासी नेपालीहरुलाई ३० हजार बराबरको खाद्यान्न, मरमसला लगायतका राहत सामग्री वितरण गरिएको नगर समिति महिला विभाग उपाध्यक्ष श्रीमती सीता देवकोटा पोख्रेलले जानकारी दिइन् ।