हामी सबैकाे संसारन्यूज

 शेरबहादुर, प्रचन्ड, के पि ओली सबै जोखिदा तुलामा वजन सबैको उस्तै छ, आजसम्म । हो ओलीलाई आज अवसर छ आफुलाई अरुभन्दा अतिलो भएको पुस्टि गर्ने । यो अवसर बार बार आउँदैन ।

भारत बिरुद्ध हाम्रो रगत अली बढी नै उम्लन्छ । हाम्रो राजनीतिको पारो नाप्न भारतको बिरोध र समर्थन हेरे पुग्छ । अज भोली नै चुनाव गर्न पाए प्रधानमन्त्री ओलिको राष्ट्रबादले फेरी सत्ताको चाबी हात पार्छ । एमसीसीमा उनलाई राष्ट्रघाती देख्नेले नक्सामा राष्ट्रबादी देक्छन ।
बजार यसरी तात्दै छ कि मानौ पुरै गुमेको भुभाग सरकारले फिर्ता ल्यायो । जे जती मात्रामा काम गर्‍यो त्यती नै समर्थन गर्नु पर्ने हो । तर यहाँ त्यस्तो हुँदैन कि पुरै आकाश छुने हो कि पुरै पातलमा पुग्ने हो ।

भ्रममा नपरौ सरकारको सुरुवाती सोच बिचार ले नक्सा बनेको होइन । ब्यापक जनदबाबले सरकारलाई बाध्य बनाएको हो । प्रमाण जुटाएर भोली बार्ता गर्ला सरकारले अनी सरकारको बल्ल मुल्याङ्कन हुनेछ ।

हिजो कांग्रेसले यत्ती पनि गरेको थिएन । आज नेकपाले गर्‍यो भनेर आत्मरतीमा नरमाउँ । हिजोको दिनमा कस्ले के के गरे त्यो सबै ईतिहास जनता सँग छ । शेरबहादुर, प्रचन्ड, के पि ओली सबै जोखिदा तुलामा वजन सबैको उस्तै छ, आजसम्म । हो ओलीलाई आज अवसर छ आफुलाई अरुभन्दा अतिलो भएको पुस्टि गर्ने । यो अवसर बार बार आउँदैन ।

देश भनेको अपनत्व गर्ने कुरा पनि हो । तपाईं हामीलाई अष्ट्रेलिया, अमेरिकामा भएर पनि नेपाली हुनुमा किन गर्ब छ ? हामी अष्ट्रेलियन अमेरिकन भैसकेर पनि नेपाली हुनुमा गर्ब गर्छौ ? हामीलाई नेपाल जान रोकतोक छैन । त्यहाँ हाम्रा आफन्त छन । जग्गा जमिन र सम्पत्ति छ । नेपाली नगरिकता सिरानीमा राखेर सुत्न पाएका छौ । प्रशासनमा हाम्रा प्रमाण चल्छन । यी सबै माथिका सुबिधा खारेज गर्ने हो भने हामीलाई स्वत :  नेपाल प्रती मोह भङ हुन्छ ।

हामीले हाम्रो भनेको भुभागमा बस्ने नेपालीहरुसँग नेपाली नागरिकता छैन । राज्यको कुनै पनि उपस्थिती छैन । त्यहाका जनताले आफुलाई नेपाली हुनुमा गर्ब महसुस गराउनु सरकारको काम हो । देश भनेको माटो मात्र होइन । सिमानामा सेना सँगसंगै गाउमा प्रशासन पनि चाहिन्छ ।

सरकारको गतिविधीलाई अहिले पर्खने र हेर्ने हो । डटेछ सरकार भनी समर्थन गरौला नत्र सधैं झै आलोचना गर्ने हो । भक्तिभाब गर्न मनले मान्दैन ।