१० जेठ, काठमाण्डौं । नेपालमा आज बिहानै थप ३२ जनामा कोरोना संक्रमण पुष्टि भएको छ ।
स्वास्थ्य मन्त्रालयका अनुसार आज बिहान पुष्टि भएकामा कपिलवस्तु वाणगंगा नगरपालिकाका १७,१९,२२,२९,३५,४०,४२ वर्षीय पुरुष र २७ वर्षीया महिला रहेका छन् । उनीहरुको राष्ट्रिय जनस्वास्थ्य प्रयोगशाला टेकुमा नमुना परीक्षण गरिएको थियो ।
त्यसैगरी राष्ट्रिय जनस्वास्थ्य प्रयोगशाला टेकुमा गरिएको परीक्षणमा सर्लाहीको गडौता कविलासी नगरपालिकाका १८,२०,२०,२०,२१,२२,२३,२६,२६,२८,३३,३५,३५ र बारा करैयामाइ गाउँपालिकाका ३७ वर्षीया महिला रहेकी छन् ।
त्यसैगरी काठमाण्डौंका ३५ वर्षीय पुरुष, प्रादेशीक जनस्वास्थ्य प्रयोगशालामा गरिएको परीक्षणमा रुपन्देही गैडहवा र रोहिणी गाउँपालिकाका २०,२०,२४,२४,२७,३०,३० र ५५ वर्षीय पुरुष रहेका छन् ।
त्यसैगरी भरतपुर अस्पतालको कोभिड १९ प्रयोगशालामा गरिएको परीक्षणमा ५२ वर्षीय पुरुषमा कोरोना संक्रमण देखिएको स्वास्थ्य तथा जनसंख्या मन्त्तालयले जानकारी दिएको छ ।
फेरि नौ जनामा कोरोना संक्रमण भएको पुष्टि, संक्रमितको संख्या ५१६ पुग्यो
वि.सं.२०७७ जेठ १० शनिवार ०९:११ मा प्रकाशित
