Sansar News
१२ जेठ, काठमाण्डौं । नेपालमा थप १८ जना कोरोना संक्रमणबाट मुक्त भएका छन् ।
पर्साको विरगन्जस्थित नारायणी अस्पतालको आइसोलेनमा भर्ना भएर उपचार गराएका १८ जना कोरोना संक्रमित कोरोना संक्रमणबाट मुक्त भएका छन् ।
अस्पतालका अनुसार वीरगन्ज ३ छपकैयाका एकैपरिवारका १८ जना आइतबार बेलुका अस्पतालबाट डिस्चार्ज भएका हुन् ।
डिस्चार्ज हुनेमा ४ महिने शिशु, ३ देखि १३ वर्षका तीन बालिका र तीन देखि १५ वर्षका ६ बालक, ३२ देखि ६२ वर्षका ४ महिला र ३७ देखि ६६ वर्षसम्मका ४ पुरुष सहित १८ जनालाई आइतबार राति डिस्चार्ज गरिएको अस्पतालले जानकारी दिएको छ ।
परिवारका ३७ वर्षीय पुरुषलाई बैशाख २१ ग्ते कोरोना संक्रमण देखिएपछि उनको कन्ट्रयाक ट्रेसिङका क्रममा अन्य १७ जनामा पनि संक्रमण भएको पुष्टि भएको थियो ।
नारायणी अस्पतालबाटै शनिबार पनि ७ जना संक्रमित निको भएर डिस्चार्ज भएका थिए ।
आइतबार डिस्चार्ज भएका १८ जनासँगै नेपालमा कोरोना संक्रमणबाट मुक्त हुनेको संख्या १०५ पुगेको छ ।
आज रुपन्देहीमा १० जना कोरोना संक्रमणबाट मुक्त, निको हुनेको संख्या ८७ पुग्यो
वि.सं.२०७७ जेठ १२ सोमवार १०:२४ मा प्रकाशित
