Sansar News
१२ जेठ, काठमाण्डौं । नेपालमा पछिल्लोपटक थप ७ जनामा कोरोना संक्रमण पुष्टि भएको छ । नेपालमा आजमात्रै ७९ जनामा कोरोना संक्रमण पुष्टि भएको छ ।
स्वास्थ्य मन्त्रालयका अनुसार पछिल्लोपटक पुष्टि भएका ७ जनामा सेती अस्पतालमा गरिएको परीक्षणमा अछाम मेललेकका ३२ वर्षीय पुरुष, भेरी अस्पतालमा गरिएको परिीक्षणमा गुलरिया १० बर्दियाका २२ र २४ वर्षीय पुरुष तथा गुलरिया २ का १८ वर्षीय पुरुषमा कोरोना संक्रमण देखिएको छ ।
त्यसैगरी नारायणी अस्पताल विरगन्जमा गरिएको परीक्षणमा जीरा भवानी गाउँपलिका ४ को क्वारेन्टाइनमा रहेका पर्साका १८ वर्षीय र बाराको कलैयामा कार्यरत काठमाण्डौंका २८ वर्षीय पुरुषमा संक्रमण देखिएको स्वास्थ्य तथा जनसंख्या मन्त्रालयले जानकारी दिएको छ ।
त्यसैगरी विरगन्जको नेशनल मेडिकल कलेजमा मृत्यु भएका एक पुरुषमा पनि कोरोना संक्रमण भएको पुष्टि भएको छ । यो सँगै नेपालमा संक्रमितको संख्या ६८२ पुगेको हो ।
एकैपटक ७२ जना कोरोनाका नयाँ संक्रमित भेटिए, संक्रमितको संख्या ६७५ पुग्यो
वि.सं.२०७७ जेठ १२ सोमवार १६:४२ मा प्रकाशित
