१९ जेठ, काठमाडौँ । सामाजिक तथा राजनीतिक अभियन्ता बालकृष्ण न्यौपानेको निधन भएको छ ।
सुगर लगायतका रोगब्याधीसँग संघर्ष गर्दै राजनैतिक र सामाजिक जीवनलाई सक्रिय राखेका बालकृष्ण न्यौपानेको जेठ १७ गते राती काठमाडौँको महाराजगञ्ज चक्रपथस्थित मेट्रोसिटी अस्पतालमा निधन भएको परिवार सुत्रले बताएको छ ।
वि.सं २०१८ असोज ६ गते बुबा काशिनाथ र आमा घनादेवीबाट जेष्ठ सुपुत्रको रुपमा जन्मेको बालकृष्ण पर्वत जिल्लाको पैञ्यू क्षेत्रमा रुपान्तरणकारी राजनीतिका एक मुर्धन्य व्यक्तित्वका रुपमा स्थापित थिए । बुबा काशिनाथ जिल्ला पंचायतको नेतृत्वमै रहेपनि बालकृष्ण न्यौपाने तत्कालिन नेकपा चौम, मसाल, माओवादी हुँदै राजनीतिमा समेत सक्रिय थिए ।
विगत केही वर्षदेखि बर्दियाको बासगढीमा रहँदै आएका बालकृष्ण न्यौपानेका २ छोरा सुर्य र दिपेन्द्र न्यौपाने तथा ४ छोरी बिमला, दिपा, खैसरा र पवित्रासहित न्यौपाने परिवारले ठूलो शोक व्यहोरेको छ ।
नेकपा बर्दियाका नेतासमेत रहेका बालकृष्ण न्यौपानेको निधन लगत्तै नेकपा बर्दिया तथा नेकपा पर्वत पैञ्यूका पदाधिकारी लगायत विभिन्न सामाजिक अभियन्ताहरुले शोक व्यक्त गरेका छन् ।
वि.सं.२०७७ जेठ १९ सोमवार १२:०२ मा प्रकाशित