Sansar News
२७ जेठ, काठमाण्डौं । नेपालमा आज थप २३२ जना कोरोनाका नयाँ संक्रमित भेटिएका छन् । स्वास्थ्य मन्त्रालयका अनुसार आज थपिएका ३२३ जनामध्ये २९२ जना पुरुष र ३१ जना महिला रहेका छन् ।
संक्रमितहरु मध्ये प्रादेशिक जनस्वास्थ्य प्रयोगशाला विराटनगरमा गरिएको परीक्षणमा ३ जना पुरुष, कोशी अस्पतालमा गरिएको परीक्षणमा इलामका १ जना पुरुष, बिपी कोइराला स्वास्थ्य विज्ञान प्रतिष्ठानमा गरिएको परीक्षणमा सुनसरी १ पुरुष, सुनसरीका १ महिला र ५ जना पुरुषमा संक्रमण पृष्टि भएको छ ।
प्रादेशिक जनस्वास्थ्य प्रयोगशाला भरतपुरमा गरिएको परीक्षणमा ३० जनामा संक्रमण पुष्टि भएको छ । जसमा चितवनमा ४ महिला र २० जना पुरुष गरी २४ जना, नवलपुरका १ महिला र २ पुरुष, धादिङ, कपिलवस्तु र सप्तरीका १÷१ जना गरी तीनजना महिला रहेका छन् ।
प्रादेशिक जनस्वास्थ्य प्रयोगशाला पोखरामा गरिएको परीक्षणमा २४ जनामा संक्रमण पुष्टि भएको छ । जसमा म्याग्दीका १ पुरुष, नवलपुरका १२ जना पुरुष र बाग्लुङका ११ जना पुरुष रहेका छन् ।
त्यस्तै प्रादेशिक जनस्वास्थ्य प्रयोगशाला जनकपुरमा गरिएको परीक्षणमा ४१ जनामा संक्रमण पुष्टि भएको छ । जसमा धनुषाका २ महिला र १९ जना पुरुष गरी २१ जना, महोत्तरीका १ महिला र १८ पुरुष गरी १९ जना र सर्लाहीका १ पुरुषमा संक्रमण पुष्टि भएको छ ।
राप्ती स्वास्थ्य विज्ञान प्रतिष्ठान दाङमा गरिएको परीक्षणमा दाङका ६ जना पुरुष, भेरी अस्पताल बाँकेमा गरिएको परीक्षणमा ९ जना संक्रमित भेटिएका छन् । जसमा बाँकेका २ जना महिला र ७ जना पुरुष गरी ९ जना रहेका छन् ।
कर्णाली स्वास्थ्य विज्ञान प्रतिष्ठानमा गरिएको परीक्षणमा जुम्लाका १ महिला र १ पुरुष, सुर्खेत प्रादेशिक अस्पताल पशुपंक्षी रोग अन्वेषण प्रयोगशालामा गरिएको परीक्षणमा १६ जनामा संक्रमण पुष्टि भएको छ । उनीहरु सल्यानका १२ जना पुरुष र सुर्खेतका २ महिला र बालकसहित २ पुरुष रहेका छन् ।
सेती प्रादेशिक अस्पतालमा गरिएको परीक्षणमा ३७ जनामा संक्रमण पुष्टि भएको छ । उनीहरुमा दार्चुलाका १० पुरुष, कन्चनपुरका २ महिला र १७ जना पुरुष सहित १९ जना, डडेल्धुराका १ महिला र ६ जना पुरुष तथा कैलालीका १ जना पुरुष रहेका छन् ।
प्रादेशिक अस्पताल रुपन्देहीमा गरिएको परीक्षणमा २२ जनामा संक्रमण पुष्टि भएको छ । उनीहरुमा रुपन्देहीका २० र कपिलवस्तुका २ जना पुरुष रहेका छन् ।
राष्ट्रिय जनस्वास्थ्य प्रयोगशाला टेकुमा गरिएको परीक्षणमा १२५ जनामा संक्रमण पुष्टि भएको छ । उनीहरुमा धनुषाका १ बालकसहित २४ जना पुरुष, कपिलवस्तुका ४ महिला र ३ पुरुष गरी ७ जना, महोत्तरीका ७ महिला र बालकसहित २४ पुरुष गरी ३१ जना, नवलपरासी पश्चिमका १२ जना पुरुष, नुवाकोटका २ जना पुरुष, रौतहटका २१ जना पुरुष, सर्लाहीका १६ र सिराहाका १२ जना पुरुष रहेका छन् ।
हालसम्म नेपालमा कोरोना संक्रमितको संख्या ४ हजार ८५ पुगेको छ । जसमा ३,७९८ पुरुष र महिला २८७ रहेका छन् । आज थपिएको जिल्ला इलामसहित हालसम्म ७२ जिल्लामा कोरोना संक्रमित भेटिएका छन् ।
नेपालमा आज ३१४ जनामा कोरोना संक्रमण भएको पुष्टि, संक्रमितको संख्या ३,७६२ पुग्यो
वि.सं.२०७७ जेठ २७ मंगलवार १६:५६ मा प्रकाशित
