हामी सबैकाे संसारन्यूज

३१ जेठ, काठमाडौँ । नेपाल कम्युनिष्ट पार्टी(नेकपा)का नेता तथा प्रतिनिधिसभाका सांसद हरिवोल गजुरेलका विषयमा भ्रम नछर्न आग्रह गरिएको छ ।

हरिबोल गजुरेलको सचिवालयले भ्रम नर्छन आग्रह गर्दै उपस्थित हुन नसक्नका कारण प्रष्ट्याएको छ ।

सचिवालयले भनेको छ ‘यही जेष्ठ २८ गते बुधबार जिल्लाको विशेष कामको सिलसिलामा हेटौंडा गएको बेला ट्वाईलेटमा चिप्लिएर लड्दा हिप र मेरुदण्डमा गम्भीर चोट लागेकाले आज भएको एतिहासिक संविधान संसोधन विधेयक पास गर्ने बैठकमा सहभागी हुन नसकेको कुरा दुःखका साथ नेकपा दलका मुख्य सचेतक मा. देव गुरुङलाई जानकारी गराएको कुरा आदर्णीय जनसमुदाय र पार्टीपंक्तिमा जानकारी नहुदा पर्न गएको भ्रमप्रति सचिवालय क्षमाप्रार्थी छ।’

साथै घटना र विषयको सत्य र गहिराइमा नपुगी सतही टिप्पणी गर्ने र आक्षेप लगाउने काम गरेर लज्जित हुने काम कसैले नगर्न अनुरोधसमेत गरिएको छ।