हामी सबैकाे संसारन्यूज

काठमाडौं । नेकपा विवाद उत्सर्गमा पुगिरहेका बेला पार्टी अध्यक्षद्वय केपी शर्मा ओली र पुष्पकमल दाहालबीच झण्डै चार घण्टा लामो छलफल भएको छ । प्रधानमन्त्री निवास बालुवाटारमा भएको छलफलमा सहमती केहि नभएपनि सकारात्मक रहेको नेकपा स्रोतले जनाएको छ ।

‘छलफल निकै सकारात्मक भएको छ, दुवै नेताले आ–आफ्नो कुरा खुलस्त रुपमा राख्नुभयो’, नेकपा स्रोतले भन्यो, ‘भोली हुने छलफलले महत्वपूर्णं निष्कर्ष आउन सक्छ ।’ जनाइएअनुसार भोली हुने स्थायी समिति बैठक अगाडि पुनः दुई अध्यक्षबीच छलफल हुनेछ ।

बालुवाटार भएको छलफलमा पार्टी एकता पूर्वका सुत्रधार भनेर चिनिएका पार्टी महासचिव विष्णु पौडेल र स्थायी कमिटी सदस्य जनार्दन शर्मा ‘प्रभाकर’को पनि उपस्थिति थियो ।

झम्सिखेल भेलासँगै प्रधानमन्त्री केपी शर्मा ओलीको पार्टी अध्यक्ष र प्रधानमन्त्री पदबाट राजीनामा माग्ने निर्णय भएसँगै नेकपाभित्र विवाद गहिरिएको थियो । बिहिबार स्थायी समिति बैठकका बीच प्रधानमन्त्री केपी शर्मा ओलीले संसद अधिवेशन स्थगन गरेसँगै पार्टीभित्र विवाद उत्सर्गमा पुगेको हो ।

सम्बन्धित समाचारहरू

ओली–प्रचण्ड निर्णायक बार्तामा, मध्यमार्गी सहमति खोजीने सम्भावना