हामी सबैकाे संसारन्यूज

२१ असार, काठमाडौँ । नेपाल कम्युनिष्ट पार्टी(नेकपा)का स्थायी कमिटी सदस्य भीम रावलले विपक्षी दलका नेताहरुसँग साँठगाँठ गरी कम्युनिष्ट पार्टीको भविष्य अन्धकारतर्फ धकेल्ने काम नगर्न आग्रह गरेका छन् ।

प्रधानमन्त्री तथा नेकपा अध्यक्ष केपी शर्मा ओलीले आज विपक्षी दल नेपाली काँग्रेसका सभापति शेरबहादुर देउवालाई भेटेपछि नेता रावलको यस्तो अभिव्यक्ति आएको हो ।

सामाजिक सञ्जालमा धारणा राख्दै उनले चेतावनीको भाषामा भनेका छन् ‘विपक्षी दलका नेताहरूसंग सांठगाँठ गरी कम्युनिष्ट पार्टीको भविष्य अन्धकारतर्फ धकेल्ने कुकर्म कतै नहोस्।राजनीतिलाई सत्ताको फोहरी खेल तुल्याउने विगतका विकृति फेरी शुरू गरी जनता र पार्टीलाई धोका दिने काम नहोस् ।’

उनले नेकपाको सिद्धान्त, नीति, विधान, संगठन र सदस्यमाथि विश्वास र भरोसा गर्न आग्रह समेत गरेका छन् ।

उनले लेखेका छन् :

नेकपाको सिद्धान्त,नीति,विधान,संगठन र सदस्स्यहरूमाथि विश्वास र भरोसा गरौं ।विपक्षी दलका नेताहरूसंग सांठगाँठ गरी कम्युनिष्ट पार्टीको भविष्य अन्धकारतर्फ धकेल्ने कुकर्म कतै नहोस्।राजनीतिलाई सत्ताको फोहरी खेल तुल्याउने विगतका विकृति फेरी शुरू गरी जनता र पार्टीलाई धोका दिने काम नहोस् ।

— Bhim Rawal, Ph.D. (@BhimRawal179) July 5, 2020