-->
Logo
१७ असार २०७९, शुक्रबार
     Fri Jul 1 2022
E-paper
  English Edition
   Unicode
Logo

देशभक्त आवाजको नेतृत्वमा दिल्लीबाट ६ नेपाली महिलाको उद्दार



नेपाली देशभक्त आवाजले बेचिन लागेका ६ नेपाली महिलाको दिल्लीबाट उद्धार गरिएको छ । खाडी देशमा अवैध रुपमा लैजान लागेका उनीहरुलाई नेपाली देशभक्त आवाजको नेतृत्वमा उद्दार गरिएको हो ।

यसभन्दा पहिले पनि २९ जनाको उद्दार गरिसकेको संस्थाका संस्थापक बाबु रोका मगरले बताएका छन ।

इराक, कुवेत अनि साउदी जस्ता गल्फ देशहरुमा राम्रो काम लगाइदिने भन्दै लालच दिदै नेपाली दलालहरुले मोरङ र पर्वतका सिधासादा ६ जना नेपाली चेलिहरुलाई नेपालका विभिन्न जिल्लाबाट पासआउट गर्दै नेपालगन्ज सिमा नाकाबाट भारतको राजधानी दिल्ली स्थित बुराडीको एउटा घरमा बिगत ४ महिना देखि बन्धक बनाइ राखिएको थियो ।

उनीहरुलाई पेटभरि खानापिना र बिरामी हुँदा औषधि समेत नदिइ बन्धक बनाइ राखेको सूचना सुभयात्रा ट्राभल्समार्फत नेपाली देशभक्त आवाजलाई जानकारी आइसकेपछी संस्थाका उद्दारकर्मिहरुको टिम तुरुन्तै उनीहरुको उद्दारको लागि जुटेको थियो ।

३०/०६/२०२० को दिन राती १० बजे उक्त स्थानमा पुगी सकुशल उद्दार गरि ३/७/२०२० को दिन नेपालस्थित कपिलवस्तुको कृष्णनगरमा रहेको शान्ति पुनर्स्थापना गृहका इन्चार्ज भूमिराज भट्टराईसंग समन्वय गरि कपिलवस्तुका नेपाल प्रहरीका इन्स्पेक्टर प्रताप पौडेल र PRC कि प्रतिनिधि निशा पन्थी पत्रकार मिडियाकर्मीहरुको माझ PRC लाई बुझाइएको थियो ।

देशभक्त आवाजले भारत प्रवासमा र स्वदेशमा निःस्वार्थ भावनाले देश र जनताहरुका हक हितका लागि काम गर्दै आएको छ ।

बिगत केही वर्षदेखि चेलीबेटी बेचबिखन विरुद्धमा सक्रिय भएर आवाज उठाइरहेको प्रवासी आवाजले प्रवासमा बेचिएका चेलिबेटीहरुको उद्दार गर्ने, दुःख पिडामा परेका नेपालीहरुको सहयोगमा जुट्ने, खेल र खेलाडिहरुको सम्मान गर्दै उनिहरुलाई अघि बढ्न सहयोग पुर्याउने नेपाली कला संस्कृतिको जगेर्ना गर्दै आएको छ ।

त्यस्तै विश्वसामु नेपाललाई चिनाउने कार्यक्रमहरु गर्ने, लागुपदार्थ नशा मुक्ती अभियानमा जनचेतना संदेश दिने, देश बचाउने र सिमा मिच्ने बिरुद्ध आवाज उठाउने र कार्वाही गर्ने अन्याय अत्याचार र भ्रष्टाचार बिरुद्ध आवाज उठाउँदै आएको छ ।

यस्ता घटनाहरु दिल्लीमा धेरै हुँदै आएको र दलालहरुले गरिबी र अशिक्षा को फाइदा उठाइरहेका छन सचेत रहनको लागी प्रवासमा नेपाली देशभक्त आवाजले बारम्बार जानकारी पनि गराउदै आएको छ तरपनी यो मानव तस्करीमा रुकावट नआउनुमा सिमा सुरक्षा र NGO हरुको निगरानीमा कमि देखिएको छ । यसमा सरकार र सरोकारवालाहरुको ध्यानाकर्षण, देशभक्त आवाजले भनेको छ ।


यो खबर पढेर तपाईलाई कस्तो महसुस भयो ?

काठमाडौं । दक्षिण कोरियामा १३ नेपाली कामदार पक्राउ परेका छन् । कोरियाको सुवन अध्यागमन

काठमाडौं । आजको नेपाली बजारमा विदेशी मुद्राको भाउ यसप्रकार रहेको छ । राष्ट्र बैंकको

काठमाडाैं । नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका पूर्व पोलिटब्युरो सदस्य तथा सेती–महाकाली