हामी सबैकाे संसारन्यूज

१ साउन, काठमाण्डौं । स्वास्थ्य मन्त्रालयले ३ हजारको हाराहारीमा कोरोनाको नमुना परीक्षण गर्दा जम्मा ३ जनामात्र कोरोना संक्रमित भेटिएको जानकारी दिएको छ ।
पछिल्ला दिनमा पिसीआर नमुना परीक्षण घटाउँदै गएको मन्त्रालयले संक्रमितको संख्या घट्दै गएको, पोजेटिभ केस कम देखिएको र कन्ट्रयाक ट्रेसिङ गर्नु नपरेको तथा क्वारेन्टिनमा रहनेको संख्या घट्दै जानु, लक्षण देखिएका सबै विरामीमा जाँच गर्दा पोजेटिभ नदेखिनुका कारण पिसीआर परीक्षण घटाउँदै लगेको विहिबारको नियमित पत्रकार सम्मेलनमा जानकारी दिएको छ ।

मन्त्रालयका प्रवक्ता डा. जागेश्वर गौतमले यी विभिन्न कारणले पिसीआर परीक्षणको दायरा दैनिक ६-७ हजारबाट घटाएर ४-५ हजारमा समिति राखिएको समेत जानकारी दिएका छन् ।

‘हाल हामीसँग १० हजार नमुना परीक्षण गर्ने क्षमता रहेको छ । आवस्यकता परेमा हामीले दैनिक १० हजार भन्दा बढी पिसीआर जाँच गर्न सक्षम छौं,’ डा. प्रवक्ताले भने, ‘हालैमात्र काठमाण्डौं उपत्यकाका विभिन्न ठाउँमा नमुना परीक्षण गर्दा जम्मा ३ जनाको मात्रै पोजेटिभ आएको छ ।’

उनले संक्रमण दर कम भएकोले परीक्षण कम गरिदै लगेको बताउँदै जोखिम भने नघटेको बताएका छन् । डा. गौतमले पिसीआर पोजेटिभ रेट घटेर २ देखि ३ म ाझेरको समेत बताए ।