Sansar News
आज लेख्ने कथा आजै लेख भोलिको कुनै विश्वास हुदैन
अर्कैको अधीनमा चल्ने ढुक्ढुकी ग्यारेण्टी यसको खास हुदैन
समयको बर्वाद बनाएर भोलि भोलि पर्खी रहन्छौ तिमी
छङ्छङ् बगेर गयो खोली फर्केर आउला भन्ने आश हुदैन
पटक पटक घुर्की लगाउने प्रयत्न गरिरहन्छौ जिन्दगीलाई
जिन्दगी हामी खोजी रहन्छौँ जिन्दगीलाई हाम्रो अभाव हुदैन
भन्दै थियौ एकबारको जिन्दगीलाई हासेर बिताए राम्रो
आत्मा भित्र चोट नलागेसम्म बाहिर मुहार उदास हुदैन
मेरो सम्मान हुनै पर्छ मै हुँ देशको राजा भनेर फुर्ती लगाउँछौ
याद गर तिमी असल व्यक्तिमा कहिल्यै घमण्डको बास हुदैन ।
वि.सं.२०७७ साउन ३ शनिवार ०९:२८ मा प्रकाशित
