हामी सबैकाे संसारन्यूज

१३ साउन, काठमाडौँ । न्यायाधिशको पदमा नियुक्त हुन चाहेका नेपालीहरुले व्यक्तिगत विवरण बुझाउन सूचना जारी गरिएको छ ।

न्याय परिषद सचिवालयको सूचना भन्दै सार्वजनिक गरिएको सूचनामा न्यायाधिशको योग्यता पुगेका व्यक्तिले व्यक्तिगत विवरण पेश गर्न भनिएको छ ।

न्याय परिषद् सचिवालयको सूचना भन्दै प्रकाशित जानकारीमा भनिएको छ, ‘नेपालको संविधान बमोजिम न्ययाधिशको पदमा नियूक्ति हुन योग्यता पुगेका नेपाली नागरिकहरुको अभिलेख अद्यावधिक गर्ने प्रयोजनका लागि न्याय परिषद् सचिवालयमा आफ्नो व्यक्तिगत विवरण पेश गर्नु हुन यो सूचना प्रकाशित गरिएको छ ।’

विस्तृत विवरण सचिवालयको वेवसाइट www.jcs.gov,np बाट हेर्न सकिने पनि उक्त सूचनामा जनाइएको छ ।