Sansar News
काठमाडौं । नेपाल कम्युनिष्ट पार्टी (नेकपा)का कार्यकारी अध्यक्ष पुष्पकमल दाहाल ‘प्रचण्ड’ले पार्टी एकतालाई जोगाउन स्थायी समिति सदस्यहरुलाई आग्रह गरेका छन् । बालुवाटार पुगेका स्थायी समिति सदस्यहरुसँग छलफल गर्दै उनले एकताको लागि संवादको प्रयास जारी राख्न आग्रह गरेका हुन् ।
प्रचण्डले नेताहरुलाई उत्तेजित नहुन पनि आग्रह गरेका छन् । ‘पार्टी गम्भीर मोडमा पुगेको छ, कसैले पनि उत्तेजनामा आएर गलत कदम नउठाउनु होला’, प्रचण्डलाई उद्धत गर्दै स्रोतले भन्यो, ‘पार्टी एकतालाई आघात हुने काम नगरौं ।’
उनले जारी बैठकलाई स्थायी समिति बैठकको निरन्तरताको रुपमा नलिन पनि सदस्यहरुलाई आग्रह गरेका छन् । प्रचण्डले उपस्थित सदस्यहरुलाई स्थायी समिति बैठकको लागि संवाद जारी रहेको पनि प्रष्ट पारेका छन् ।
सम्बन्धित समाचारहरु
ओलीको उपस्थिति बिनै बालुवाटारमा स्थायी समिति बैठक सुरु, स्थायी समितिका दुई तिहाई सदस्यको उपस्थिति
वि.सं.२०७७ साउन १३ मंगलवार १५:२० मा प्रकाशित
