Sansar News
काठमाडौं । सत्तारुढ नेकपाको स्थायी समिति बैठक पार्टी अध्यक्ष पुष्पकमल दाहाल ‘प्रचण्ड’को अध्यक्षतामा सुरु भएको छ । बैठकमा अर्का अध्यक्ष केपी शर्मा ओलीको उपस्थिति छैन ।
पार्टी अध्यक्षसमेत रहेका केपी शर्मा ओलीले एकपक्षीय रुपमा बैठक स्थगन गराउने निर्णय गरेसँगै अर्का अध्यक्ष दाहालले बैठकको सुरुवात गरेका हुन् ।
यसअघि अध्यक्ष दाहाल र वरिष्ठ नेता झलनाथ खनाल विवादको समाधान बारे छलफल गर्न ओलीलाई भेट्न पुगेका थिए । तर, छलफल सकारात्मक नभएसँगै दाहालले बैठक सञ्चालन गरेका हुन् ।
बैठकमा दाहाल, नेपाल र खनाल पक्षका ३० स्थायी समिति सदस्यको उपस्थिति रहेको छ । बैठकमा बामदेव गौतम पनि पुगेका छन् ।
यसअघि पार्टी उपाध्यक्षसमेत रहेका नेता वामदेव गौतमले विवादको समाधानको लागि भन्दै ६ बुँदे प्रस्ताव पत्र पेश गरेका थिए । उनले दुवै अध्यक्षलाई उक्त पत्र बुझाएका थिए ।
सम्बन्धित समाचारहरु
वि.सं.२०७७ साउन १३ मंगलवार १४:४८ मा प्रकाशित
