हामी सबैकाे संसारन्यूज

काठमाडौं । सत्तारुढ नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’को सुरक्षामा खटिएका ६ जना सुरक्षाकर्मीलाई कोरोना संक्रमण देखिएको छ। प्रचण्ड सचिवालयले जानकारी दिएअनुसार बुधबार गरिएको स्वाब परीक्षणमा ६ सुरक्षाकर्मीमा कोरोना देखिएको हो ।

जनाइएअनुसार कोरोना देखिएका सुरक्षाकर्मी प्रचण्डको बाहिरी घेराको सुरक्षामा खटिएका थिए । नेपाल प्रहरी अस्पताल, महाराजगञ्जमा बुधबार उनीहरुको स्वाब परीक्षण गरिएको थियो ।

प्रचण्ड सचिवालयले जनाएअनुसार प्रचण्डका परिवारका सबै सदस्य र प्रचण्डको सुरक्षामा खटिएका सबै सुरक्षाकर्मी स्वाब संकलन गरी परीक्षण गरिएको थियो। जसमा ६ सुरक्षाकर्मीमा संक्रमण देखिएको हो ।