Sansar News
काठमाडौं । राष्ट्रिय परीक्षा बोर्डले कक्षा ११ को परीक्षा सञ्चालन नगर्न सबै विधालयहरुलाई निर्देशन जारी गरेको छ । शुक्रबार एक सूचना जारी गर्दे बोर्डले सरकारबाट अर्को निर्णय नभएसम्म परीक्षा सञ्चालन नगर्न निर्देशन गरेको हो ।
कतिपय विद्यालयहरुले परीक्षा सञ्चालन गरेको विषय सार्वजनिक भएसँगै बोर्डले कोरोना संक्रमणको जोखिम देखाउँदै परीक्षा सञ्चालन नगर्न निर्देशन जारी गरेको हो । बोर्डले सरकारको तर्फबाट परीक्षा सञ्चालनको निर्णय नभएसम्मको लागि परीक्षा कार्यक्रम नगर्न सूचित गरेको छ ।
कोरोना माहामारीका कारण सरकारले कक्षा ११ को परीक्षा विद्यालयले नै लिनसक्ने गरि कार्यविधि तयार गरेको थियो । सरकारले तयार गरेको कार्यविधिअनुसार केही विद्यालयले परीक्षा लिन सुरु गरेका हुन् । तर यसबीचमा सरकारले नै विद्यालय नखोल्नसमेत निर्देश गरेको छ ।
यस्तो छ बोर्डको सूचना
वि.सं.२०७७ साउन २३ शुक्रवार १३:२२ मा प्रकाशित
