Sansar News
बिउँझ्यो सुर्य उषालाई लिएर
दिन बितायो किरणसंगै डुलेर
ढल्यो सुर्य फेरि सन्ध्या पाई
प्रेममा कलंक गयो लगाई
माया चन्द्रले चाँदनीको पायो
वासनामा लिप्त भइ दाग लगायो
बादल आवारा भनि आरोप लागेछ
इज्जत गुमाई रोइ रोइ बर्षेछ
प्रेमगरि मौसमले बसन्त ल्याए
मुटु चुडेपछि शिशिर छाए
आक्रोस बढी फेरि हुरी चलेछ
बिजुली बनि डाँको छोडी कडकेछ
चरा चुरुंगी नै बेस छन प्रीतको रेशमा
छाडी जांदैनन झगडा गरि आवेशमा
कुरा के गर्नु प्रेम कहानी मनुष्यको
गुरु पत्नी न छाड्ने स्वयम् ईन्द्र भो ।
वि.सं.२०७७ साउन २३ शुक्रवार १६:०६ मा प्रकाशित
