Sansar News
छोडेको साँडे बनेर,मात्र निकाश नहोला ;
नौलाख तारा गनेर, मात्र निकाश नहोला ।
निष्पक्ष ल्याऊ विकास गर्न सचेत र सक्षम ;
आफ्ना र मेरा छानेर, मात्र निकाश नहोला ।
बुझाऊ र बुझ्नु समेट्दै सारा गाउँ र सहर ;
आँखामा छारो हानेर, मात्र निकाश नहोला ।
बनेर साथी सबैको प्यारो जनले मान्नेछन् ;
आँफू नै सर्वा भनेर,मात्र निकाश नहोला ।
बाँझो छ बारी आम्दानी हुन्न जाँगर नलाए ;
थारोमा भैँसी पालेर, मात्र निकाश नहोला ।
गरेर देखाऊ सज्जन जनमा टारेर हुन्न लौ ;
बाटामा भौडी खनेर,मात्र निकाश नहोला ।
मात्रा ३+२+३+२+३+३
झ्याउरे छन्द
वि.सं.२०७७ साउन २४ शनिवार ०८:५६ मा प्रकाशित
