हामी सबैकाे संसारन्यूज

१
गाँसिएछ नाता नचाहँदै थाहा भएन
नजर घुमायरै हिँड्दा नि डाहा भएन
कहिले यता त, कहिले उता रमाउने
देख्दैछु कसैसँग सम्बन्ध आहा ! भएन ।।
२
साहित्यलाई माया सबै मिलि गर्नुपर्छ
शब्दशब्द मिलाएर ज्ञानभण्डार भर्नुपर्छ
जाने त सबै खाली हात नै हो श्मसानमा
हरपल असलका संगतमा परेर मर्नुपर्छ ।।
३
अमृत भन्दै दियौ बिष सहेरै पनि पिएकै छु
खुशी होऊ सँधै भनि दुःख जति लिएकै छु
अमूकको जीवन भाकी बलि पूजा गर्दैछौ
बोली सुन्ने नहुँदा आफैले मुख सिएकै छु ।।
४
राम्रै गर्छु भन्दाभन्दै मन हुन्छ कता दुखेको
फाल्न खोजौँ तुष भित्र भित्र हुन्छ लुकेको
चाहा धेरै भएरै होला लाग्छ सधैँ हृदयमा
बस्नेले आफुलाई भित्रैबाट हुन्छ बुझेको ।।
५
तिम्रा खुशीका खातिर बिर्सिएँ रहर प्रिय
आफ्नै हातैले पिलायौ किन ? जहर प्रिय
थियो सुन्दर संसार, अनगिन्ती थिए याद
पलपलमै घुटन लाग्छ तिम्रो यो शहर प्रिय